రంగ్ దే, అర‌ణ్య ప్రివ్యూ చూసిన‌ ప్ర‌ముఖులు.. ఏమ‌న్నారంటే?

బాక్సాఫీస్ వార్ కు మ‌రో వారం సిద్ధ‌మైంది. ఈ ఫ్రైడే ఫైట్ లో రెండు సినిమాలు బ‌రిలో దిగ‌బోతుండ‌గా.. ఒక రోజు ఆల‌స్యంగా శ‌నివారం మ‌రో మూవీ జాయిన్ అవుతోంది! 26న నితిన్ ‘రంగ్ దే’, రానా ‘అర‌ణ్య’ చిత్రాలు థియేట‌ర్లో సంద‌డి చేయ‌బోతున్నాయి. 27న సింహా ‘తెల్లవారితే గురువారం’ సినిమా రిలీజ్ కాబోతున్నాయి. ఈ మూడు చిత్రాలు దేనిక‌దే ప్ర‌త్యేకంగా నిల‌వ‌డంతో రిజ‌ల్ట్ పై క్యూరియాసిటీ నెల‌కొంది.

కాగా.. ఇందులో ‘రంగ్ దే’ మూవీ స్పెష‌ల్ ప్రివ్యూ వేశార‌ట‌. ఈ మూవీని స్టార్ ప్రొడ్యూస‌ర్ దిల్ రాజు ఫ్యామిలీతో చూశార‌ట‌. భార్య, కూతురు, ఇతర ఫ్యామిలీ మెంబర్స్ తో బుధవారం రాత్రి ఈ సినిమాను చూసినట్టు తెలుస్తోంది. వీరితోపాటు డిస్ట్రిబ్యూటర్లు కూడా ఇద్దరు వీక్షించారట.

సినిమా చూసిన తర్వాత దిల్ రాజు ఫ్యామిలీతోపాటు డిస్ట్రిబ్యూటర్లు కూడా హ్యాపీగా ఫీలయ్యారని సమాచారం. ఈ సందర్భంగా మంచి సినిమా ఇచ్చారంటూ.. సినిమా యూనిట్ ను ప్రత్యేకంగా అభినందించారట దిల్ రాజు.

‌మ‌రోవైపు రానా మూవీ ‘అరణ్య’ను కూడా పలువురు సెలబ్రిటీలు చూసినట్టు ప్రచారం జరుగుతోంది. సురేష్ ప్రొడక్షన్స్ అధినేత సురేష్ బాబు ఆయన సన్నిహితులతో కలిసి ఈ సినిమాను చూశారట. టేకింగ్ అద్భుతంగా ఉందని, రానీ యాక్టింగ్ మరో లెవల్లో ఉందని ప్రశంసలు కురిపించారట. మరి, ఆడియన్స్ ఎలాంటి అభిప్రాయం వ్యక్తం చేస్తారో చూడాలి.