బిగ్ బాస్ డ్యాన్సింగ్ స్టార్ కి `ఆచార్య`లో ఛాన్స్?

`బిగ్ బాస్ 4` పోటీదారులు మంచి ప్రాజెక్టుల్లో అవ‌కాశాలు అందుకుంటున్నారు. క్రేజీ ఆఫ‌ర్లతో పాటు సంపాద‌న‌కు సంపాద‌న అందుతోంది. ఈసారి బిగ్ బాస్ సీజ‌న్ 4లో అనూహ్యంగా పోటీ నుంచి నిష్క్ర‌మించినా అంద‌రి మ‌న‌సు దోచిన స‌భ్యుడు ఎవ‌రు? అంటే.. అత‌డు‌ మెహబూబ్ దిల్ సే.

ముఖ్యంగా మెహ‌బూబ్ డ్యాన్సింగ్ ట్యాలెంట్ ఎంద‌రినో ఇంప్రెస్ చేసింది. మెగాస్టార్ చిరంజీవి అయితే గ్రాండ్ ఫినాలే వేదిక‌పైనే మెహ‌బూబ్ ని ఆకాశానికెత్తేశారు. మంచి డ్యాన్సింగ్ ట్యాలెంట్ ఉంద‌ని అవ‌కాశాలొస్తాయ‌ని ప్ర‌శంసించారు.

చిరు మెహబూబ్ ఇంటి నిర్మాణానికి 10 లక్షలు చెక్ రాసిచ్చారు. త‌న ఫ్రెండు సోహైల్ ఇస్తాన‌న్న 5ల‌క్ష‌లు ఇవ్వొద్ద‌ని.. తానే 10ల‌క్ష‌లు ఇస్తున్నాన‌ని స‌డెన్ స‌ర్ ప్రైజ్ చేశారు చిరంజీవి. తాజా గాసిప్ ఏమంటే.. చిరు తన ఆచార్య చిత్రంలో మెహబూబ్ కోసం ఒక చిన్న పాత్రను కూడా ఇచ్చార‌ట‌.

స్క్రిప్ట్ లోకి చేర్చగలిగే ఈ పాత్రను కొరటాల శివ పరిశీలిస్తున్నారని తెలిసింది. ఇదే నిజమని తేలితే మెహబూబ్ స్టార్ మారిన‌ట్టే. తెలివైన ఎత్తుగ‌డ‌ల‌తో అత‌డు టాలీవుడ్ లో స‌డెన్ స్టార్ లా దూసుకొచ్చినా ఆశ్చ‌ర్య‌పోన‌క్క‌ర్లేదేమో! ఈ మాయా రంగుల ప్ర‌పంచంలో ఎవ‌రికి ఏ అవ‌కాశం ఎప్పుడు ఎలా వ‌రించునో ఎవ‌రూ చెప్ప‌లేరు. ఇప్పుడు అత‌డి టైమ్ వ‌చ్చిందేమో!