చైతూ సినిమా రేంజేంటో తెలుసా?

ఈసారి కొడితే ఏనుగు కుంభ‌స్థ‌లాన్నే కొట్టాల‌న్న‌ట్టుగా ప్లాన్ చేశాడు నాగ‌చైత‌న్య‌. త‌దుప‌రి తాను చేయ‌బోయే సినిమా ఓ రేంజ్‌లో ఉండ‌బోతోంద‌ట‌. ఏ ర‌కంగా చూసినా ఆ సినిమా నెవ‌ర్ బిఫోర్ నెవ‌ర్ ఏగైన్ అన్న‌ట్టుగా ఉండ‌బోతోంద‌ని స‌మాచారం. ఆ సినిమా గురించి ప్ర‌స్తుతం తెలుగు ఇండ‌స్ట్రీలో హాట్ హాట్‌గా చ‌ర్చ జ‌రుగుతోంది. త‌న‌తో ప్రేమ‌మ్ తీసి హిట్టిచ్చిన చందు మొండేటితోనే త‌దుప‌రి సినిమాని చేయాల‌ని నిర్ణ‌యించాడు నాగ‌చైత‌న్య‌.  అయితే `ప్రేమ‌మ్‌` కాంబో క‌దా  అంటూ త‌దుప‌రి సినిమాని  అలాంటి ప్రేమ‌క‌థ‌తోనో లేదంటే  అలాంటి మ‌రో సున్నిత‌మైన స‌బ్జెక్టుతోనో ఊహించడానికి వీల్లేదు. ఆ సినిమా రేంజే స‌మ్‌ థింగ్ స్పెష‌ల్ అన్న‌ట్టుగా  చందు మొండేటి క‌థ‌ని  సిద్ధం చేసిన‌ట్టు తెలుస్తోంది.

`కార్తికేయ‌` - `ప్రేమ‌మ్‌` సినిమాల‌తో వ‌రుస‌గా విజ‌యాలు అందుకొన్నాడు చందు. ఆయ‌న టాలెంట్ గురించి అటు ఇండ‌స్ట్రీకి, ఇటు  ప్రేక్ష‌కుల‌కు బాగా తెలుసు. చందు కొత్త‌గా ఎప్పుడు  సినిమా  మొద‌లుపెట్టినా  అంచ‌నాలు రెట్టింప‌వ‌డం ఖాయం. అయితే చందు మాత్రం ఆ అంచ‌నాల‌కి మించి అన్న‌ట్టుగా  సినిమాని  ప్లాన్ చేశాడ‌ట‌. ఒక విశిష్ట‌మైన క‌థ‌తో స్క్రిప్టు సిద్ధం చేసి చైతూకి వినిపించేస‌రికి...  ఆయ‌న మ‌రో మాట లేకుండా వెంట‌నే ఓకే చెప్పేశాడ‌ట‌. నాగార్జున‌కి కూడా ఈ క‌థ చాలా బాగా న‌చ్చింద‌ట‌. చైతూ - నాగ్‌ తో పాటు  క‌థ విన్న మ‌రికొంద‌రు ఈ సినిమాతో హీరోనే కాకుండా - ద‌ర్శ‌కుడి కెరీర్ కూడా మ‌రో స్థాయికి వెళ్ల‌డం ఖాయమ‌ని అంటున్నార‌ట‌. అక్కినేని అభిమానుల‌కీ అంత‌కంటే  కావ‌ల్సింది ఏముంటుంది?  చైతూ న‌టుడిగా త‌న‌ని తాను ప్రూవ్ చేసుకొన్న‌ప్ప‌టికీ... విజ‌యాలు సాధిస్తున్న‌ప్ప‌టికీ  `అద్భుతం` అనిపించే స్థాయి సినిమాల్ని మాత్రం చేయ‌లేదు.  ఆ విష‌యాన్ని గ‌మ‌నించే చందు విశిష్ట‌మైన క‌థ‌ని సిద్ధం చేసిన‌ట్టు తెలిసింది. అది భారీ బ‌డ్జెట్టుతో తెర‌కెక్క‌బోతోంద‌ని స‌మాచారం. 

Like Us on Facebook : https://www.facebook.com/Tupakidotcom/