మల్టీ స్టోరీతో ఇతనన్నా మెప్పించగలడా?

24రీళ్లలో, రెండున్నర గంటల నిడివిలో ఒక స్టోరీని చెప్పడానికి నానా ఇబ్బందులు పడుతున్న సమయాలు కోకొల్లలు. అయితే అదే నిడివిలో కొన్ని సెపరేట్ ట్రాక్స్ తీసుకుని వాటిని ఒకే థ్రెడ్ లో కలుపుతూ సాగిపోయే ప్రక్రియని మల్టీ స్టోరీ టేకింగ్ అంటారు. ఈ కాన్సెప్ట్ లో ఇప్పటికే పలు సినిమాలు వచ్చినా అవి ఆశించిన మేరకు విజయం సాధించలేదు.

క్రిష్ తెరకెక్కించిన వేదం ఇలానే ఐదు డిఫరెంట్ స్టోరీలైన్ ల మధ్య నడుస్తుంది. ప్రవీణ్ సత్తారు చందమామ కధలు సినిమా కూడా అంతే. అప్పట్లో నవదీప్ నటించిన ఓం శాంతి బొమ్మ కూడా ఇదే నేపధ్యం. అయితే ఈ సినిమాలేవీ ప్రేక్షకుడిని అద్భుత ప్రపంచంలోకి తీసుకెళ్ళలేకపోయాయి. సాగతీత  సినిమా వీక్షకుడు కన్ఫ్యూజ్ అయిన సందర్భాలే ఎక్కువ.

అయితే మరోసారి ఈ కాన్సెప్ట్ తో ప్రయోగాత్మక దర్శకుడు చంద్రశేఖర్ యేలేటి మనముందుకు రానున్నాడు. ప్రస్తుతం మోహన్ లాల్ తో మనమంతా అనే సినిమాను తీస్తున్న దర్శకుడు ఈ సినిమాలో నాలుగు విభిన్న స్టోరీలు వున్నట్టు తెలిపాడు. చూద్దాం మన యేలేటి అయినా మెప్పిస్తాడో లేదో..