‘150’లోనూ వీణ స్టెప్

మెగాస్టార్ చిరంజీవిని మళ్లీ వెండితెరపై చూడాలని తహతహలాడిపోతున్న అభిమానులు.. ఆ మూమెంట్ కోసం ఇంకెన్నో రోజులు ఎదురు చూడాల్సిన పని లేదు. ఇంకొక్క రోజు ఆగితే చిరు సినిమా వచ్చేస్తుంది. ఈ సినిమాలో ఎన్ని విశేషాలున్నప్పటికీ అభిమానులు ప్రధానంగా చూడాలనుకునేది చిరంజీవి డ్యాన్సుల్నే అనడంలో సందేహం లేదు. టాలీవుడ్లో డ్యాన్స్ పరంగా చిరు రేపిన ప్రకంపనల గురించి కొత్తగా చెప్పాల్సిన పని లేదు. రెండు దశాబ్దాలకు పైగా ఎన్నో సినిమాల్లో అద్భుతమైన స్టెప్స్‌తో ఎప్పటికప్పుడు ట్రెండ్ సెట్ చేస్తూ వచ్చాడు చిరు. ఇప్పుడు ‘ఖైదీ నెంబర్ 150’తోనూ తనలో డ్యాన్సింగ్ ఎనర్జీ ఏమాత్రం తగ్గలేదని రుజువు చేస్తాడని అభిమానులు ఆశిస్తున్నారు.

విశేషం ఏంటంటే.. ఈ సినిమాలో మెగాస్టార్ తన పాపులర్ స్టెప్ ను రిపీట్ చేయబోతున్నాడట. ‘ఇంద్ర’ సినిమాలోని వీణ స్టెప్ ఇందులో వేయబోతున్నాడట చిరు. ఈ విషయాన్ని ఆయనే స్వయంగా వెల్లడించాడు. ముందు ఈ స్టెప్ వేయడానికి తాను నిరాకరించినప్పటికీ.. డ్యాన్స్ డైరెక్టర్ రాఘవ లారెన్స్ తనతో ఆ స్టెప్ వేయించాడని చిరు చెప్పాడు. దాంతో పాటు సినిమా అంతటా డ్యాన్సులు అభిమానుల్ని ఆకట్టుకుంటాయని చిరు చెప్పాడు. చిరు-లక్ష్మీరాయ్ కాంబినేషన్లో తెరకెక్కిన రత్తాలు రత్తాలు పాటకు లారెన్స్ డ్యాన్స్ కంపోజ్ చేయగా.. ఇంకో రెండు పాటలకు శేఖర్ మాస్టర్.. జానీ మాస్టర్ నృత్య రీతులు సమకూర్చారు. వీటిలో ఏ పాటకు ఆ పాట ప్రత్యేకంగా ఉంటుందని.. మెగాస్టార్ డ్యాన్సులు అభిమానుల్ని ఉర్రూతలూగిస్తాయిన చిత్ర వర్గాలు చెబుతున్నాయి.

Like Us on Facebook : https://www.facebook.com/Tupakidotcom/