చిరు చిన్నల్లుడి డీటైల్స్ ఇవిగో

మెగాస్టార్ చిరంజీవి చిన్న కూతురు శ్రీజకు పెళ్లి ఫిక్స్ అయిన విషయం తెలిసిందే. ఇప్పటికే చిరు ఇంట పెళ్లి పనులు కూడా మొదలైపోయాయి. రీసెంట్ గా జరిగిన ఎంగేజ్మెంట్ ఫంక్షన్ కి మొత్తం మెగాస్టార్ ఫ్యామిలీ అంతా హాజరయ్యారు. కేరళలో షూటింగ్ లో ఉన్న పవర్ స్టార్ పవన్ కళ్యాణ్ కూడా ఆ రోజున వచ్చి వేడుకలో పాల్గొన్నారు. అలాగే చిరంజీవికి కాబోయే చిన్న అల్లుడి ఫోటో ఒకటి ఇప్పటికే నెట్ లో చక్కర్లు కొడుతోంది. అంతకు మించి మరే వివరాలు బయటకు రాలేదు. ఇప్పుడు చిరు చిన్నల్లుడి గురించి మరిన్ని వివరాలు తెలిశాయి.

శ్రీజకు కాబోయే వరుడి పేరు కనుగంటి కళ్యాణ్. హైద్రాబాద్ వ్యాపార వేత్త కెప్టెన్ కిషన్ - జ్యోతిల కుమారుడు ఇతను. హైవే ఇన్ ఫ్రాస్ట్రక్చర్ ప్రాజెక్టులను నిర్వహించడం వీరి వ్యాపారం. అయితే.. ఇప్పటివరకూ వరుడు ఓ ఎన్నారై అంటూ ప్రచారం జరిగింది. కానీ ఇతడు హైద్రాబాద్ వాసే. కానీ దుబాయ్ లో చదువుకోవడం కారణంగా.. ఎన్నారై అనుకున్నారు. దుబాయ్ లో బిట్స్ పిలానీ చేశాడు కనుగంటి కళ్యాణ్.

ప్రస్తుతానికి మ్యారేజ్ వేదికను డిసైడ్ చేయలేదని తెలుస్తోంది. అలాగే కళ్యాణ్-శ్రీజల పెళ్లి హైద్రాబాద్ లో చేయాలా.. మరేదైనా ప్రాంతంలో నిర్వహించాలా అనే అంశంపై కూడా ఇంకా క్లారిటీ రాలేదని తెలుస్తోంది.

అయితే.. ఇతడే మన కళ్యాణ్ అంటూ మెగా ఫ్యాన్స్ శ్రీజ కాబోయే భర్త ఫోటోను తెగ షేర్ చేసేస్తున్నారు. మెగా ఫ్యాన్స్ ఈ 'ఇతడే మన కళ్యాణ్' అనే వర్డింగ్ చాలా పాపులర్. పవన్ కళ్యాణ్ ని పరిచయం చేసేటప్పుడు మొదటగా వేసిన పోస్టర్ 'ఇతడే మన కళ్యాణ్' అని వేయడమే ఇందుకు కారణం. ఇప్పుడు మరోసారి ఇతడే మన కళ్యాణ్ బాగా ట్రెండ్ అవుతోంది.