సీక్రెట్ ఏజెంట్ పాత్రలో చోప్రా బ్యూటీ..!

బాలీవుడ్ స్టార్ హీరోయిన్ పరిణితి చోప్రా.. మరో లేడీ ఓరియెంటెడ్ మూవీలో నటించేందుకు సిద్ధం అవుతోందట. డైరెక్టర్ రిభూ దాస్‌గుప్తా తెరకెక్కించనున్న యాక్షన్ థ్రిల్లర్‌లో పరిణీతి చోప్రా అండర్ కవర్ ఏజెంట్ పాత్రను పోషించనుంది. డైరెక్టర్ రిభూతో పరిణితి గతేడాది 'ది గర్ల్ ఆన్ ది ట్రైన్' అనే సినిమా చేసింది. ఆ సినిమా ఓటిటిలో విడుదలై మంచి వ్యూయర్ షిప్ దక్కించుకోవడంతో ఈ స్టార్ - డైరెక్టర్ కాంబినేషన్ లో రెండో సినిమాకు ప్రణాళిక సిద్ధం అవుతోంది. తాజా సమాచారం ప్రకారం.. ఇంకా పేరు పెట్టని ఈ యాక్షన్ థ్రిల్లర్ మూవీలో పరిణితి చోప్రా ఎన్ఐఏ ఏజెంట్ పాత్రలో కనిపించనుంది. ఇండియన్ సీక్రెట్ ఏజెంట్స్ కోవర్ట్ ఆపరేషన్ చుట్టూ ఈ కథ తిరుగుతుందని టాక్.

రిభూ దాస్‌గుప్తా దర్శకత్వం వహించనున్న ఈ విమెన్ సెంట్రిక్ మూవీలో పరిణీతి చోప్రా బలమైన పాత్ర పోషించనుంది. ప్రస్తుతం ఈ సినిమా పై పలు ఊహగానాలు వ్యక్తం అవుతుండగా మేకర్స్ క్లారిటీ ఇచ్చే ప్రయత్నం చేశారు. 'ఈ సినిమా భారతదేశం - పాకిస్తాన్ నేపథ్యంలో కాదు. ఈ చిత్రంలో పరిణీతి ఒక రహస్య ఏజెంట్‌. ఆమెనే సీక్రెట్ ఆపరేషన్‌కు నాయకత్వం వహిస్తుంది. ఈ చిత్రంలో కేవలం ఓ మహిళ ప్రయాణం అలాగే పగను మాత్రమే చూపించనున్నాము' అని చెప్పారు. ఇంకా పూర్తి వివరాలు తెలియాల్సి ఉండగా.. త్వరలోనే సినిమా పట్టాలెక్కనుందని బాలీవుడ్ వర్గాలు చెబుతున్నాయి. ఈ సినిమాను రిలయన్స్ ఎంటర్టైన్మెంట్ నిర్మిస్తుంది. త్వరలోనే పరిణితి నటించిన సైనా మూవీ రిలీజ్ కాబోతుంది.