త్రిషను పొగడ్తలతో ముంచెత్తిన ప్రముఖ కొరియోగ్రాఫర్!!

ప్రముఖ హీరోయిన్ త్రిష గురించి సౌత్ సినీ ప్రేక్షకులకు ప్రత్యేకంగా చెప్పాల్సిన అవసరం లేదు. ఆమె ఫస్ట్ సినిమా నుండి ఇప్పటి వరకు ఎంతో మంది అభిమానులను సంపాదించుకుంది. ఇండస్ట్రీలో అడుగుపెట్టి 20 సంవత్సరాలు గడుస్తున్నా అదే తరగని అందంతో ఇంకా అలరిస్తూనే ఉంది. తన టాలెంట్, తన గ్లామర్ ఇంతకాలం ఆమెను అదిరించేలా చేస్తున్నాయని చెప్పవచ్చు. ఇండస్ట్రీలో ఇటు కుర్ర హీరోలు, అటు వెటరన్ స్టార్స్‌ చిరంజీవి, వెంకటేష్, రజినీకాంత్, బాలకృష్ణ, నాగార్జున లాంటి వారితో రొమాన్స్ చేసి రెండు తరాల హీరోయిన్‌గా భారీ క్రేజ్ సొంతం చేసుకుంది. ఇప్పటికి ఇండస్ట్రీలో అందరితో మంచి అనుబంధం కలిగి ఉందని అప్పుడప్పుడు సెలబ్రిటీలే చెబుతూ ఉంటారు. కెరీర్లో ఎన్నో ఎత్తుపల్లాలు ఎదుర్కొన్న త్రిష గురించి తాజాగా ఓ స్టార్ డాన్స్ కొరియోగ్రాఫర్ ప్రశంసల వర్షం కురిపించింది.

ఆమె ఎవరో త్వరలో డైరెక్టర్ కాబోతున్న బృంద. త్రిష గురించి మాట్లాడుతూ.. "త్రిషతో నాకు చాలా మంచి అనుబంధం ఉంది. ఆమెతో నేను పలు బాషలలో చాలా సినిమాలకు పని చేశాను. తను ఇండస్ట్రీకి దొరికిన ఓ సహజ నటి. త్రిష స్వభావం బయట లోపల చాలా అందమైనది. ఎన్ని సంవత్సరాలు గడిచినా మా ఇద్దరి మధ్య బంధం ఇప్పటికీ మారలేదు. లవ్‌ యు” అంటూ సోషల్ మీడియాలో ఇద్దరు కలిసి ఉన్న ఫోటోలను షేర్ చేసింది. ప్రస్తుతం త్రిషతో బృంద మాస్టర్ తీసుకున్న ఫొటోలు సోషల్ మీడియాలో హల్చల్ చేస్తున్నాయి. ఇదిలా ఉండగా.. సౌత్ నార్త్ ఇండస్ట్రీలలో వేలాది పాటలకు డ్యాన్స్ కంపోజ్ చేసిన బృంద ప్రస్తుతం మెగాఫోన్ పట్టుకుని దర్శకురాలిగా మారింది. మలయాళం యంగ్ హీరో దుల్కర్ సల్మాన్ హీరోగా 'హే సినామిక' అనే మూవీని ఆమె తెరకెక్కిస్తుంది. ఈ సినిమాలో దుల్కర్ సరసన కాజల్ అగర్వాల్, అదితీ రావు హైదారీ హీరోయిన్లుగా నటిస్తున్నారు. షూటింగ్ దశలో ఉన్న ఈ సినిమా ప్రస్తుతం కరోనా కారణంగా షూటింగ్ నిలిచిపోయింది.