లావణ్య..అందంలో రాయల్ ప్రిన్సెస్!

మెగా కోడలు లావణ్య త్రిపాఠి టాలెంట్ గురించి అందరికీ తెలిసిందే. అందాల రాక్షసి సినిమాతో టాలీవుడ్ ఇండస్ట్రీలోకి ఎంట్రీ ఇచ్చిన అమ్మడు.. తనకంటూ ప్రత్యేక గుర్తింపు సంపాదించుకున్నారు. అందం, అభినయంతో స్పెషల్ మార్క్ క్రియేట్ చేసుకున్నారు. స్టార్ హీరోల సరసన నటించి తెలుగు సినీ ప్రియులను అలరించారు. మంచి ఫ్యాన్ బేస్ ను సొంతం చేసుకున్నారు.

అయితే మెగా ప్రిన్స్ వరుణ్ తేజ్ ను గత ఏడాది లావణ్య పెళ్లి చేసుకున్న సంగతి తెలిసిందే. ఇటలీలో వారి పెళ్లి ఘనంగా జరిగింది. కుటుంబ‌స‌భ్యులు, కొద్దిమంది స‌న్నిహితుల మ‌ధ్య వరుణ్, లావణ్య ఒకటయ్యారు. పెళ్లి తర్వాత లావణ్య సినిమాలు చేయరని ఆ మధ్య వార్తలు వచ్చాయి. కానీ ఇప్పుడు వరుస ప్రాజెక్టులను లైన్ లో పెడుతున్నట్లు తెలుస్తోంది.

పెళ్లి తర్వాత లావణ్య.. మిస్ పర్ఫెక్ట్, పులి మేక వెబ్ సిరీస్ లతో ప్రేక్షకుల ముందుకు వచ్చి అందరినీ ఆకట్టుకున్నారు. ప్రస్తుతం సతీ లీలావతి వెబ్ సిరీస్ లో నటిస్తున్నట్లు తెలుస్తోంది. ఆమె సరసన యంగ్ హీరో ప్రియదర్శి నటిస్తున్నట్టు సమాచారం. దాంతోపాటు మరో మూడు సినిమాల్లో యాక్ట్ చేస్తున్నట్లు సినీ ఇండస్ట్రీలో ప్రచారం జరుగుతోంది.

అందులో ఓ కోలీవుడ్ మూవీ కూడా ఉన్నట్లు టాక్ వినిపిస్తోంది. అయితే లావణ్య అటు ఫ్యామిలీ లైఫ్.. ఇటు కెరీర్ ను సక్సెస్ ఫుల్ గా నడిపిస్తున్నట్లు తెలుస్తోంది. అదే సమయంలో సోషల్ మీడియాలో ఎప్పుడూ యాక్టివ్ గా ఉంటారు లావణ్య. ఎప్పటికప్పుడు కొత్త కొత్త పిక్స్ ను పోస్ట్ చేస్తుంటారు. చీరల్లో దిగిన పిక్స్ ను ఎక్కువగా షేర్ చేస్తుంటారు.

తాజాగా లావణ్య.. బేబీ పింక్ కలర్ శారీలో దిగిన పిక్స్ ను పోస్ట్ చేశారు. సింపుల్ గా రెడీ అయ్యి తీసుకున్న ఫోటోస్ పోస్ట్ చేశారు. లవ్ సింబల్ ను క్యాప్షన్ గా ఇచ్చారు. ప్రస్తుతం లావణ్య కొత్త పిక్చర్స్.. సోషల్ మీడియాలో వైరల్ గా మారాయి. దీంతో నెటిజన్లు తెగ స్పందిస్తున్నారు. లైకులు కొడుతూ కామెంట్ సెక్షన్ నింపేస్తున్నారు.

మెగా కోడలు.. రాయల్ ప్రిన్సెస్ లా ఉన్నారంటూ కామెంట్లు పెడుతున్నారు. పింక్ శారీలో లావణ్య అదిరిపోయారని చెబుతున్నారు. సో నైస్ అని అంటున్నారు. సింపుల్ గా ఉంటూనే అట్రాక్ట్ చేస్తున్నారని చెబుతున్నారు. సూపర్ మెగా ప్రిన్సెస్ అని సందడి చేస్తున్నారు. మరి లావణ్య కొత్త పిక్స్ ను మీరు చూశారా?