దీపిక బ‌ర్త్ డే పోస్ట‌ర్ తో హింట్ ఇచ్చారా?

`ఆర్ ఆర్ ఆర్‌` త‌రువాత అత్యంత వార్త‌ల్లో నిలుస్తున్న చిత్రం `ప్రాజెక్ట్ కె`. ప్ర‌భాస్ హీరోగా న‌టిస్తున్న ఈ చిత్రానికి యంగ్ టాలెంటెడ్ డైరెక్ట‌ర్ నాగ్ అశ్విన్ ద‌ర్శ‌క‌త్వం వ‌హిస్తున్న విష‌యం తెలిసిందే. ఈ మూవీ ద్వారా బాలీవుడ్ క్రేజీ హీరోయిన్ దీపికా ప‌దుకోన్ టాలీవుడ్ కు ప‌రిచ‌యం అవుతున్న విష‌యం తెలిసిందే. అత్యంత భారీ స్థాయిలో ఈ మూవీని నిర్మిస్తున్నారు. ఇటీవ‌లే ఈ మూవీ రెగ్యుల‌ర్ షూటింగ్ హైద‌రాబాద్ లోని రామోజీ ఫిల్మ్ సిటీలో ప్రారంభ‌మైంది.

ప్ర‌భాస్ తో పాటు దీపికా ప‌దుకోన్ కూడా షూట్ లో పాల్గొంది. ఈ రోజు (బుధ‌వారం) దీపిక పుట్టిన రోజు. ఈ సంద‌ర్భంగా మేక‌ర్స్ ఆమెకు పుట్టిన రోజు శుభాకాంక్ష‌లు తెలియ‌జేస్తూ ప్ర‌త్యేక పోస్ట‌ర్ ని విడుద‌ల చేశారు. లుకింగ్ అప్ లుకింగ్ ఫార్వ‌ర్డ్ హ్యాపీ బర్త్ డే దీపిక ప‌దుకోన్` అంటూ ఆ పోస్ట‌ర్ పై ఆస‌క్తిక‌ర‌మైన అక్ష‌రాల‌ని పొందుప‌రిచారు. బ్లాక్ అండ్ వైట్ పోస్ట‌ర్ లో దీపిక బ్లాక్ డ్రెస్ లో క‌నిపిస్తోంది. ఆకాశం వంక స్పేస్‌లో  స్టార్స్ ని చూస్తూ దీపిక క‌నిపిస్తున్న తీరు మూవీ కాన్సెప్ట్ పై అనుమానాల్ని క‌లిగిస్తోంది.

హాలీవుడ్ చిత్రాల త‌ర‌హాలో ఈ మూవీ స్పేస్ థ్రిల్ల‌ర్ గా రూపొంద‌నుంద‌ని మేక‌ర్స్ హింట్ ఇస్తున్న‌ట్టుగా  తెలుస్తోంది. తాజాగా విడుద‌ల చేసిన దీపిక ప‌దుకోన్ బ‌ర్త్ డే పోస్ట‌ర్ ఈ విష‌యాన్ని స్ప‌ష్టం చేస్తోంద‌ని చెబుతున్నారు. పాన్ ఇండియాకి మించి సినిమా వుంటుంద‌ని, సైన్స్ ఫిక్ష‌న్ అని ముందే నాగ్ అశ్విన్ సినిమా ఎలా వుండ‌బోతోంద‌న్న‌ది చెప్పేశాడు.

దీనికి సీనియ‌ర్ డైరెక్ట‌ర్ సింగీతం శ్రీ‌నివాస‌రావు మెంట‌ర్ గా వ్య‌వ‌హ‌రిస్తుండ‌టం, అమితాబ్ బ‌చ్చ‌న్ కీల‌క పాత్ర‌లో క‌నిపించ‌నుండ‌టంతో సినిమాపై భారీ అంచ‌నాలు ఏర్ప‌డ్డాయి. అందుకు త‌గ్గ‌ట్టే సినిమా పాన్ వ‌ర‌ల్డ్ స్థాయిలో వుంటుంద‌ని తెలుస్తోంది.

దీపికా ప‌దుకోన్ త‌న గ‌త చిత్రాల‌కు పూర్తి భిన్నంగా ఈ మూవీలో క‌నిపించ‌బోతోంది. టాలీవుడ్ సినీ చ‌రిత్ర‌లోనే అత్యంత భారీ బ‌డ్జెట్ తో ఈ మూవీని నిర్మించ‌బోతున్నారు. వైజ‌యంతీ మూవీస్ బ్యాన‌ర్ పై సి. అశ్వ‌నీద‌త్ నిర్మిస్తున్న ఈ మూవీ స‌రికొత్త సంచ‌ల‌నాల‌కు కేంద్ర బిందువుగా మార‌డం ఖాయం అని తెలుస్తోంది. ఇదిలా వుంటే ఈ రోజు బ‌ర్త్ డే జ‌రుపుకుంటున్న దీపిక‌కు హీరో ప్ర‌భాస్ సోష‌ల్ మీడియా వేదిక‌గా పుట్టిన రోజు శుభాకాంక్ష‌లు తెలియ‌జేశారు.