కొత్తగా ఉందంటున్న జాగ్వార్ భామ

జాగ్వార్ మూవీతో ముంబై భామ దీప్తి సతి టాలీవుడ్ లో అడుగుపెట్టింది. ఆ సినిమా సక్సెస్ కాకపోయినా..  దీప్తి అందాలు మాత్రం దేదీప్యమానంగా వెలిగిపోయాయి. అందుకు తగ్గట్లుగానే వరుస అవకాశాలు కూడా తలుపు తడుతున్నాయి. ఇప్పటికే మమ్ముట్టి సినిమాలో కూడా అమ్మడికి అవకాశం వచ్చిందంటే.. ఈ భామ ఏ స్థాయి క్రేజ్ సంపాదించుకుందో అర్ధమవుతుంది.

ఇప్పుడీ చిన్నది తెలుగులో ఓ మూవీకి సైన్ చేసింది. కొత్త దర్శకుడు రాజేష్ తెరకెక్కించనున్న కామిక్ థ్రిల్లర్ లో నటించనుంది దీప్తి సతి. ఇది ఫిమేల్ సెంట్రిక్ కాన్సెప్ట్ కావడం.. అందులోను సినిమా అంతా దీప్తి కేరక్టర్ చుట్టూనే తిరగనుండడం విశేషం. 'ధ్రిల్లర్ జోనర్ నాకు కొత్త. అందుకే ఈ ప్రాజెక్టులో భాగం కావడంపై ఎగ్జైటింగ్ గా ఉంది. కామిక్ థ్రిల్లర్స్ లో ఇదో కొత్త ప్రయత్నం అని చెప్పచ్చు. స్క్రిప్ట్ ఆసక్తికరంగా ఉండడమే కాదు.. దర్శకుడు చెప్పిన నెరేషన్ నాకు విపరీతంగా నచ్చేసింది. ఆడియన్స్ ను పూర్తి స్థాయిలో ఎంటర్టెయిన్ చేసి.. థ్రిల్లింగ్ కు గురి చేస్తుందీ మూవీ' అని చెప్పింది దీప్తి సతి.

'నా కేరక్టర్ గురించి ఎక్కువ వివరాలు చెప్పేస్తే.. మూవీలో థ్రిల్లింగ్ మిస్ అవుతుంది. సొంత ఆలోచనలతో బతికే.. ఓ ఇండిపెండెంట్ అమ్మాయి రోల్ లో కనిపిస్తాను. స్క్రిప్ట్ లో నా పాత్రను మలిచిన తీరు నాకు బాగా నచ్చేసింది. ఈ మూవీ తర్వాత నా కామెడీ టైమింగ్ బాగా మెరుగవుతుందని అనుకుంటున్నా' అంటోంది జాగ్వార్ హీరోయిన్ దీప్తి సతి.

Like Us on Facebook : https://www.facebook.com/Tupakidotcom/