దేఖో దేఖో 'ప‌ఠాన్' సాబ్‌ ఆలిండియాకే సూప‌ర్ ఖాన్‌!

'బాలీవుడ్ బాద్షా..' ఈ ట్యాగ్ లైన్ కు ఖ‌చ్చితంగా అర్హుడు షారూక్‌. బుల్లితెర‌పై ప్ర‌స్థానం మొద‌లు పెట్టి.. వెండి తెర‌మీద‌కు ప్ర‌మోట్ అయ్యి.. తిరుగులేని స్టార్ గా ఎదిగిన షారూక్.. బాక్సాఫీస్ ను షేకాడించాడు. ఎన్నో సినిమాలతో క‌ళ్లు చెదిరే క‌లెక్ష‌న్లు కొల్ల‌గొట్టాడీ హీరో.

అయితే.. కాలం మారుతూ వ‌చ్చింది. వ‌రుస‌గా షారూక్ చిత్రాలు బాక్సాఫీస్ వ‌ద్ద బోల్తా కొట్ట‌డం మొద‌లు పెట్టాయి. బాలీవుడ్ బాద్షా ట్యాగ్ లైన్ పై దుమ్ముపేరుకుపోవ‌డం మొద‌లైంది. షారూక్.. త‌న స్థాయికి త‌గ్గ హిట్ కొట్టి ఎంత కాల‌మైందో..! త‌మ హీరో ఎప్పుడు బ్లాక్ బ‌స్ట‌ర్ ఇస్తాడా అని ఫ్యాన్స్ ఎంతో ఆశ‌గా ఎదురు చూస్తున్నారు.

ఇలాంటి ప‌రిస్థితుల్లో మొద‌లైంది ప‌ఠాన్‌. సిద్ధార్థ్ ఆనంద్ డైరెక్ష‌న్లో తెర‌కెక్కుతున్న ఈ సినిమా షూటింగ్ శ‌ర‌వేగంగా కొన‌సాగుతోంది. ఈ చిత్రం ద్వారా బాద్షా బ్యాక్ అని చాటి చెప్పాల‌ని భావిస్తున్నాడు షారూక్‌. ఫ్యాన్స్ కూడా అదే ప‌ట్టుద‌ల‌తో ఉన్నారు. దీపికా ప‌దుకొణె హీరోయిన్ గా న‌టిస్తున్న ఈ చిత్రంలో జాన్ అబ్ర‌హం ఓ కీల‌క పాత్ర‌లో న‌టిస్తున్నాడు. కాగా.. ప్ర‌స్తుతం యాక్ష‌న్ సీన్స్ షూట్ చేస్తున్నారు.

అయితే.. ఈ యాక్ష‌న్స్ సీన్స్ కొన్ని సోష‌ల్ మీడియాలో ప్ర‌త్య‌క్ష‌మ‌య్యాయి. వీట‌ని చూసిన ఫ్యాన్స్ సంబ‌రాలు చేసుకుంటున్నారు. ప‌ఠాన్‌.. కేక అంటూ కామెంట్స్ చేస్తున్నారు. ఈ సినిమాతో షారూక్ బ్లాక్ బ‌స్ట‌ర్ కొట్ట‌డం ఖాయం అని ధీమా వ్య‌క్తంచేస్తున్నారు.

కాగా.. ఈ సీన్స్ లేటెస్ట్ వా? పాతవా? అన్న‌ది క్లారిటీ లేదు. ఈ మ‌ధ్య‌నే దుబాయ్ షెడ్యూల్లో కూడా ఇలాంటి సీన్స్ తెర‌కెక్కించారు. ఇవి అవే అంటున్నారు కొంద‌రు. ఏవైనా ప‌ర్లేదు.. అద్దిరిపోతున్నాయిగా అంటున్నారు మ‌రికొంద‌రు. వ‌చ్చే ఏడాది రిలీజ్ కానున్న ఈ మూవీ ఎలాంటి ఫలితం ఇస్తుందో చూడాలి.