నయన్ డోరాలో దెయ్యం ఎవరో తెలుసా?

కోలీవుడ్ టాప్ హీరోయిన్ నయనతార అనడంలో సందేహాలు ఎవరికీ ఉండవు. అమ్మడు కనిపిస్తే చాలు.. సినిమా బ్లాక్ బస్టర్ అయిపోతోందంటేనే.. తమిళ ప్రేక్షకులు ఏ రేంజ్ లో నయన్ ను ఆరాధిస్తున్నారో అర్ధమవుతోంది. ఇటు గ్లామర్ కేరక్టర్లతో పాటు.. అటు పెర్ఫామెన్స్ ఓరియెంటెడ్ రోల్స్ ను.. మధ్యమధ్యలో లేడీ ఓరియెంటెడ్ చిత్రాలను కూడా కుమ్మేస్తోంది నయనతార.

నయన్ నటిస్తున్న లేటెస్ట్ మూవీ డోరా. రీసెంట్ గా రిలీజ్ అయిన ఈ మూవీ ఫస్ట్ లుక్ బాగా ఆసక్తిని కలిగించింది. ఇదో హారర్ మూవీ అనే విషయం మేకర్స్ ముందే చెప్పేయగా.. ఫస్ట్ లుక్ పోస్టర్స్ ను చూశాక.. ఆ దెయ్యంగా కనిపించనుంది నయన్ అనిపించక మానదు. ఇప్పుడు వినిపిస్తున్న లేటెస్ట్ టాక్ ఏంటంటే.. అసలీ సినిమాలో దెయ్యం నయన్ కాదట. ఇప్పటివరకూ విడుదలైన పోస్టర్లలో కనిపించే 'కారు' దెయ్యం పాత్ర పోషిస్తోందట.

ఒక కారును దెయ్యంగా చూపించడం అనే కాన్సెప్ట్ నచ్చే ఈ మూవీని యాక్సెప్ట్ చేసిందట నయనతార. హాలీవుడ్ లో ట్రాన్స్ ఫార్మర్స్ లాంటి సినిమాల్లో కార్లను కేరక్టర్లు చేసి తీసిన సినిమాలు వచ్చాయి. కానీ కోలీవుడ్ జనాలు మాత్రం.. కారును ఏకంగా దెయ్యం చేసేస్తుండడం విశేషం.

Like Us on Facebook : https://www.facebook.com/Tupakidotcom/