కలల కాంబినేషన్ ఇన్నాళ్లకు కన్ఫమ్ అయింది

తమిళ కథానాయకుడు ధనుష్ అంటే తమిళ ప్రేక్షకులు అంత అభిమానం ఏంటో కొన్నేళ్ల కిందటి వరకు వేరే భాషల జనాలకు అర్థమయ్యేది కాదు. అంత బక్కగా ఉంటాడు.. హీరో ఫీచర్సే ఉండవు.. అలాంటోడికి అంత ఫాలోయింగ్ ఏంటి అనిపించేది పరాయి భాషల వాళ్లకి. కానీ అతడి సినిమాలకు వీళ్లకు కూడా పరిచయమయ్యాక కానీ తెలియలేదు ధనుష్ టాలెంట్ ఏంటన్నది. ‘రఘువరన్ బీటెక్’ చూస్తే మనోళ్లు ఫ్లాట్ అయిపోతే.. రాన్ జానా - షమితాబ్ లాంటి మూవీస్ చూసి హిందీ ప్రేక్షకులు మెస్మరైజ్ అయిపోయారు. త్వరలోనే అతను హాలీవుడ్ రేంజికి వెళ్లిపోతున్నాడు. ధనుష్ టాలెంట్ ఏంటన్నది తెలిసిందే కాబట్టి.. అక్కడి ప్రేక్షకుల మనసులు కూడా గెలిచేస్తాడనడంలో ఎవరికీ సందేహాలు లేవు.

ప్రస్తుతం తమిళంలో ధనుష్ చేస్తున్న చిత్రాలు భలే ఆసక్తి రేపుతున్నాయి. తనకు జాతీయ అవార్డు తెచ్చిపెట్టిన ‘ఆడుగళం’ సినిమా తీసిన వెట్రిమారన్ దర్శకత్వంలో ధనుష్ నటిస్తున్న ‘కోడి’ మీద భారీ అంచనాలున్నాయి. ఈ సినిమా కోసం ధనుష్ ఎత్తిన కొత్త అవతారం ఆసక్తి రేపుతోంది. ఈ సినిమా సంగతలా ఉంచితే.. ధనుష్ ఎన్నో ఏళ్లుగా కోరుకుంటున్న ఓ డైరెక్టర్ తో ఇప్పుడతడి సినిమా ఓకే అయింది. ఆ దర్శకుడు మరెవరో కాదు.. గౌతమ్ వాసుదేవ్ మీనన్. వీళ్లిద్దరి కాంబినేషన్ లో సినిమా కోసం ఎన్నో ఏళ్లుగా చర్చలు జరుగుతున్నాయి. ఐతే ఎట్టకేలకు తాను గౌతమ్ దర్శకత్వంలో సినిమా చేయబోతోందని.. తన కల తీరబోతోందని ఈ రోజు ట్విట్టర్ లో అనౌన్స్ చేశాడు ధనుష్. యనై నొక్కి పాయుమ్ తొట్ట.. ఇదీ గౌతమ్ - ధనుష్ కలిసి చేయబోయే సినిమా పేరు. ఈ అనౌన్స్ మెంట్ వచ్చినప్పట్నుంచి కోలీవుడ్ షేకైపోతోంది.