జబర్దస్త్ లో అనసూయ ఇక ఉండదా?

బుల్లితెర పై జబర్దస్త్ షో ఎంత విజయం సాధించిందో అందరికీ తెలిసిందే. ఇప్పటికీ ఈ షోకు ఆదరణ భారీస్థాయిలోనే దక్కుతోంది. ఈ షో ద్వారా పరిచయం అయిన చాలామంది టాలెంటెడ్ కమెడియన్లు ఇప్పటికే సినిమాల్లో కూడా సత్తా చాటుతున్నారు. ఇక ఈ షో యాంకర్ గా అనసూయకు ప్రేక్షకుల్లో భారీ పాపులారిటీ దక్కింది. కానీ గత రెండు వారాలుగా జబర్దస్త్ నుండి అనసూయ తప్పుకున్నట్టుగా వార్తలు వస్తున్నాయి.

సినిమాల్లో అవకాశాలు ఇతర ప్రొఫెషనల్ కమిట్ మెంట్స్ కారణంగానే అనసూయ జబర్దస్త్ కు గుడ్ బై చెప్పిందని రూమర్లు హల్ చల్ చేస్తున్నాయి.  అనసూయ తప్పుకోవడంతోనే ఆమె స్థానంలో వర్షిణి ని హోస్ట్ గా తీసుకున్నారని అంటున్నారు.  కానీ షో నిర్వాహకులు మాత్రం ఇలాంటి వార్తల్లో నిజం లేదని అంటున్నారు. నిర్వాహకుల మాటలు నమ్మేలా లేవని అంటున్నారు అనసూయ అభిమానులు.. ఎందుకంటే అనసూయ ప్రతి ఎపిసోడ్ లో  ఒక కొత్త డిజైన్ డ్రెస్సులో కనిపిస్తుంది.  ఆ డ్రెస్ లో ఫోటోలను తన సోషల్ మీడియా ఖాతా ద్వారా పోస్ట్ చేసి .. ఏ షోలో ఆ డ్రెస్ ధరించిందో వివరాలు తెలుపుతుంది.  కానీ నవంబర్ 8 తర్వాత జబర్దస్త్ షోకు సంబంధించిన ఏ అప్ డేట్ కూడా అనసూయ తన ట్విట్టర్ ఖాతాద్వారా ఇవ్వలేదు.  దీంతో అనసూయ జబర్దస్త్ షోకు గుడ్ బై చెప్పినట్టేనని అంటున్నారు.

దీనిపై క్లారిటీ రావాలంటే అనసూయ స్వయంగా మాట్లాడాలి. ఇదిలా ఉంటే అనసూయ 'యాత్ర'.. 'సచ్చిందిరా గొర్రె'..  'కథనం' సినిమాల్లో నటిస్తోంది.  'రంగస్థలం ది డాన్స్ వార్' అనే టీవీ షో కూడా హోస్ట్ చేస్తోంది.