దిల్ రాజు ఒకప్పట్లా ఊపు మీద లేదిప్పుడు. ఆయన సంస్థ నుంచి సరైన సినిమా వచ్చి చాలా కాలమైంది. గత ఏడాది సుబ్రమణ్యం ఫర్ సేల్, కేరింత లాంటి ఓ మోస్తరు సినిమాలైనా వచ్చాయి కానీ.. ఈ ఏడాది మాత్రం ‘కృష్ణాష్టమి’ లాంటి డిజాస్టర్ తో చేదు అనుభవాన్ని ఎదుర్కొన్నాడు రాజు. ఇప్పుడు ఆయన ఆశలన్నీ సాయిధరమ్-అనిల్ రావిపూడి కాంబినేషన్లో తెరకెక్కుతున్న ‘సుప్రీమ్’ మీదే. ఈ సినిమా ఏప్రిల్ నెలాఖరులో లేదా మే నెలలో విడుదల కాబోతోంది.
ఐతే ఆ సినిమా రావడానికి ముందే ఓ తమిళ డబ్బింగ్ సినిమాతో ప్రేక్షకుల్ని పలకరించాలనుకుంటున్నాడట రాజు. తమిళంలో బంపర్ క్రేజ్ మధ్య రిలీజవబోతున్న ‘తెరి’ని ఆయన తెలుగులోకి తెద్దామనుకుంటున్నాడట. ఇళయదళపతి విజయ్ హీరోగా నటించిన ఈ సినిమాకు ‘రాజా రాణి’ ఫేమ్ అత్లీ దర్శకుడు. విజయ్ రెండు భిన్నమైన పాత్రల్లో నటిస్తున్న ఈ సినిమాపై అంచనాలు భారీగా ఉన్నాయి. దీని టీజర్ - ట్రైలర్లకు అద్భుతమైన స్పందన వచ్చింది. తెలుగు జనాల్లో కూడా ఈ సినిమా చర్చనీయాంశమైంది.
తెరి తెలుగు డబ్బింగ్ గురించి ఇప్పటిదాకా వార్తలు రాలేదు. ఏప్రిల్ 15న ఈ సినిమా విడుదల కాబోతోంది. ఐతే తెరి ట్రైలర్ చూసి బాగా ఇంప్రెస్ అయిన రాజు.. ఫ్యాన్సీ ప్రైస్ ఇచ్చి తనే డబ్బింగ్ హక్కులు తీసుకోవడానికి ప్రయత్నిస్తున్నాడట. గత ఏడాది మణిరత్నం సినిమా ‘ఓకే బంగారం’ను తెలుగులో దిల్ రాజే రిలీజ్ చేశాడు. మంచి ఫలితం కూడా అందుకున్నాడు. దిల్ రాజు రిలీజ్ చేస్తే ఆటోమేటిగ్గా సినిమా రేంజి కూడా పెరుగుతుంది కాబట్టి.. తెలుగు హక్కులు ఆయనకే ఇచ్చే అవకాశాలున్నాయి.
ఐతే ఆ సినిమా రావడానికి ముందే ఓ తమిళ డబ్బింగ్ సినిమాతో ప్రేక్షకుల్ని పలకరించాలనుకుంటున్నాడట రాజు. తమిళంలో బంపర్ క్రేజ్ మధ్య రిలీజవబోతున్న ‘తెరి’ని ఆయన తెలుగులోకి తెద్దామనుకుంటున్నాడట. ఇళయదళపతి విజయ్ హీరోగా నటించిన ఈ సినిమాకు ‘రాజా రాణి’ ఫేమ్ అత్లీ దర్శకుడు. విజయ్ రెండు భిన్నమైన పాత్రల్లో నటిస్తున్న ఈ సినిమాపై అంచనాలు భారీగా ఉన్నాయి. దీని టీజర్ - ట్రైలర్లకు అద్భుతమైన స్పందన వచ్చింది. తెలుగు జనాల్లో కూడా ఈ సినిమా చర్చనీయాంశమైంది.
తెరి తెలుగు డబ్బింగ్ గురించి ఇప్పటిదాకా వార్తలు రాలేదు. ఏప్రిల్ 15న ఈ సినిమా విడుదల కాబోతోంది. ఐతే తెరి ట్రైలర్ చూసి బాగా ఇంప్రెస్ అయిన రాజు.. ఫ్యాన్సీ ప్రైస్ ఇచ్చి తనే డబ్బింగ్ హక్కులు తీసుకోవడానికి ప్రయత్నిస్తున్నాడట. గత ఏడాది మణిరత్నం సినిమా ‘ఓకే బంగారం’ను తెలుగులో దిల్ రాజే రిలీజ్ చేశాడు. మంచి ఫలితం కూడా అందుకున్నాడు. దిల్ రాజు రిలీజ్ చేస్తే ఆటోమేటిగ్గా సినిమా రేంజి కూడా పెరుగుతుంది కాబట్టి.. తెలుగు హక్కులు ఆయనకే ఇచ్చే అవకాశాలున్నాయి.