మ‌రో మ‌నం సిద్ధ‌మ‌వుతోందా?!

అక్కినేని కుటుంబం నుంచి వ‌చ్చిన `మ‌నం`కి జాతీయ స్థాయిలో గుర్తింపొచ్చింది. ప్రాంతీయ భాష‌లో తెర‌కెక్కింద‌న్న‌మాటే కానీ... ఆ సినిమా గురించి బాలీవుడ్ జ‌నాలు కూడా ప్ర‌త్యేకంగా మాట్లాడుకొన్నారు. మూడు త‌రాల న‌టులు క‌లిసి న‌టించిన ఒక అరుదైన చిత్రం కావ‌డమే అందుకు కార‌ణం. మంచి క‌థ వ‌స్తే ఆ త‌ర‌హాలో మ‌నం కూడా న‌టించాల‌ని బాలీవుడ్ నుంచి టాలీవుడ్ వ‌ర‌కు చాలా మంది ప్ర‌ముఖ క‌థానాయ‌కులు  ప్ర‌ణాళిక‌లు సిద్ధం చేసుకొన్నారు. అంద‌రూ క‌థ‌ల గురించి అన్వేషిస్తూనే ఉన్నారు కానీ... ఇప్ప‌టిదాకా మ‌రో మ‌నం మాత్రం తెర‌కెక్క‌లేదు.

ద‌గ్గుబాటి కుటుంబం నుంచి వ‌స్తుంద‌న్న ప్ర‌చారం కూడా సాగింది. నిజంగానే రామానాయుడు కాంపౌండ్‌ లో ఆ త‌ర‌హా క‌థ కోసం కొన్నాళ్లు క‌స‌ర‌త్తులు కూడా జ‌రిగాయి. వెంక‌టేష్‌ - రానా - నాగ‌చైత‌న్య క‌లిసి ఒక చిత్రం  చేయాల‌నుకొన్నారు.  కానీ వ‌ర్క‌వుట్ అవ్వ‌లేదు. అయితే ఇప్పుడు మ‌రోసారి అక్కినేని కుటుంబం నుంచే మ‌నం త‌ర‌హా చిత్రం ప్రేక్ష‌కుల ముందుకు వ‌చ్చే అవ‌కాశాలున్న‌ట్టు తెలిసింది. ఈసారి దిల్‌ రాజు అక్కినేని క‌థానాయకులు నాగార్జున‌ - నాగ‌చైత‌న్య‌ - అఖిల్‌ ల‌ని దృష్టిలో ఉంచుకొని క‌థ‌ని సిద్ధం చేయిస్తున్నాడ‌ట‌. ఆ క‌థ కూడా ఇప్ప‌టికే ఓ కొలిక్కి వ‌చ్చింద‌ని, ఏ క్ష‌ణంలోనైనా దిల్ రాజు నుంచి మ‌రో మ‌నం ప్ర‌క‌ట‌న వెలువ‌డొచ్చ‌ని తెలిసింది. ప్ర‌స్తుతం దిల్‌ రాజు బోలెడు చిత్రాలు చేస్తూ బిజీ బిజీగా గ‌డుపుతున్నాడు. అయినా స‌రే... ఎంతో ప్ర‌తిష్టాత్మ‌కంగా భావిస్తూ అక్కినేని క‌థానాయ‌కుల కోసం క‌థ‌ని సిద్ధం  చేయిస్తున్నాడ‌ట దిల్‌ రాజు.