స్టార్ డైరెక్టర్ సుకుమార్ ప్రియ శిష్యులు ఒకరి తర్వాత మరొకరు దర్శకులుగా ఇండస్ట్రీకి పరిచయం అవుతున్నారు. అందులో బుచ్చిబాబు సానా ఒకరు. మెగా మేనల్లుడిని హీరోగా లాంచ్ చేస్తూ.. "ఉప్పెన" వంటి బ్లాక్ బస్టర్ సినిమా అందుకున్నాడు.
తొలి సినిమానే బాక్సాఫీస్ వద్ద ఘన విజయం సాధించడంతో.. బుచ్చిబాబు ఒక్కసారిగా క్రేజీ డైరెక్టర్ గా మారిపోయాడు. పెద్ద పెద్ద బ్యానర్స్ నుంచి పిలుపు వచ్చింది. అయితే దర్శకుడు మాత్రం మైత్రీ మూవీ మేకర్స్ లోనే మరో సినిమా చేయడానికి కమిట్ అయ్యాడు.
వచ్చే ఫిబ్రవరికి 'ఉప్పెన' సినిమా విడుదలై రెండేళ్లు పూర్తి అవుతుంది. కానీ ఇంత వరకూ బుచ్చి బాబు తన రెండో ప్రాజెక్ట్ ని పట్టా లెక్కించలేకపోయాడు. కనీసం అధికారిక ప్రకటన కూడా లేదు. దీనికి కారణం దర్శకుడు కేవలం స్టార్ హీరోలతోనే తదుపరి సినిమా చేయాలని కూర్చోవడమే అని తెలుస్తోంది.
నిజానికి బుచ్చి టాలీవుడ్ స్టార్ హీరోల్లో ఒకరైన ఎన్టీఆర్ మూవీ చేయడానికి చాలా ప్రయత్నాలు చేశాడు. 'నాన్నకు ప్రేమతో' టైంలో ఏర్పడిన పరిచయంతో యంగ్ టైగర్ కు ఓ కథ కూడా నేరేట్ చేసాడు. బేసిక్ స్టోరీ లైన్ నచ్చడంతో ఫుల్ స్క్రిప్ట్ రెడీ చేసుకొని రమ్మని బుచ్చికి చెప్పినట్లుగా చాలా నెలల క్రితమే వార్తలు వచ్చాయి.
బుచ్చిబాబు రెడీ చేసిన సెకండాఫ్ పై సంతృప్తి చెందని తారక్.. ఆ స్క్రిప్ట్ ని తిరస్కరించాడని ఇటీవల రూమర్స్ వినిపించాయి. కొరటాల శివ సినిమా ఆలస్యం అవడంతో బుచ్చిబాబుని మరో సినిమా చేసుకొని రావాల్సిందిగా ఎన్టీఆర్ సూచించారని కూడా టాక్ వుంది.
ఎలా అయితేనేం ఎన్టీఆర్ తోనే సినిమా చేయాలని ఇన్నాళ్లూ వేచి చూసిన బుచ్చి.. అన్ని ప్రయత్నాలు విఫలం అవ్వడంతో ఇంకో హీరో కోసం అన్వేషణ మొదలు పెట్టారని తెలుస్తోంది. ఈ క్రమంలో ఈసారి దర్శకుడు మెగా పవర్ స్టార్ రామ్ చరణ్ చెంతకు చేరాడని వార్తలు వినిపించాయి.
అయితే ఇప్పుడు చివరకి అదే ఫైనల్ అయినట్లుగా టాక్ నడుస్తోంది. బుచ్చి బాబు ఇప్పటి వరకూ తారక్ తో చెయ్యాలని చూసిన కథనే ఇప్పుడు చరణ్ కి చెప్పి ఒప్పించాడట. దీంతో చెర్రీ హీరోగా ఉప్పెన డైరెక్టర్ రెండో ప్రాజెక్ట్ సెట్ అయినట్లే అని అంటున్నారు. కాకపొతే ఈ ప్రాజెక్ట్ ని మైత్రీ మేకర్స్ కాకుండా.. ఓ కొత్త బ్యానర్ లో రూపొందిస్తారని టాక్.
రామ్ చరణ్ ప్రస్తుతం సౌత్ స్టార్ డైరెక్టర్ శంకర్ తో RC15 వంటి భారీ ప్రాజెక్ట్ చేస్తున్నారు. ప్రస్తుతం సెట్స్ మీదున్న ఈ సినిమా వచ్చే ఏడాది రావడం కష్టంగానే కనిపిస్తోంది. 'ఇండియన్ 2' వచ్చే దసరా కు ప్లాన్ చేస్తే.. చెర్రీ పాన్ ఇండియా చిత్రాన్ని 2024 సంక్రాంతికి తీసుకొచ్చే అవకాశం ఉంది.
గౌతమ్ తిన్ననూరి ప్రాజెక్ట్ క్యాన్సిల్ అయింది కాబట్టి.. బుచ్చిబాబు తోనే RC16 చిత్రం వుంటుందని అనుకోవచ్చు. కాకపోతే ఇప్పుడప్పుడే సెట్స్ మీదకు రాకపోవచ్చు. చరణ్ కి తగ్గట్టుగా బుచ్చి స్క్రిప్ట్ మీద కొంచం వర్క్ చేయాల్సి ఉంటుంది. వచ్చే ఏడాది షూటింగ్ మొదలు పెట్టినా సినిమా పూర్తవ్వడానికి చాలా సమయమే పడుతుంది.
దీన్ని బట్టి బుచ్చి రెండో చిత్రం రావడానికి మరో రెండేళ్లు పట్టొచ్చు. ఈ గ్యాప్ లో రామ్ చరణ్ మరో దర్శకుడు చెప్పిన కథకి గ్రీన్ సిగ్నల్ ఇస్తే బుచ్చిబాబు ప్రాజెక్ట్ నెంబర్ మారుతుంది. అప్పుడు ఎన్టీఆర్ కోసం వెయిట్ చేసినట్లుగా.. చెర్రీ కోసం కూడా వేచి చూసే పరిస్థితి వస్తుంది. అగ్ర హీరోలతో వర్క్ చేయాలని కూర్చుంటే ఆ మాత్రం వెయిటింగ్ తప్పదని ఇండస్ట్రీలో కామెంట్స్ వినిపిస్తున్నాయి.
నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.
తొలి సినిమానే బాక్సాఫీస్ వద్ద ఘన విజయం సాధించడంతో.. బుచ్చిబాబు ఒక్కసారిగా క్రేజీ డైరెక్టర్ గా మారిపోయాడు. పెద్ద పెద్ద బ్యానర్స్ నుంచి పిలుపు వచ్చింది. అయితే దర్శకుడు మాత్రం మైత్రీ మూవీ మేకర్స్ లోనే మరో సినిమా చేయడానికి కమిట్ అయ్యాడు.
వచ్చే ఫిబ్రవరికి 'ఉప్పెన' సినిమా విడుదలై రెండేళ్లు పూర్తి అవుతుంది. కానీ ఇంత వరకూ బుచ్చి బాబు తన రెండో ప్రాజెక్ట్ ని పట్టా లెక్కించలేకపోయాడు. కనీసం అధికారిక ప్రకటన కూడా లేదు. దీనికి కారణం దర్శకుడు కేవలం స్టార్ హీరోలతోనే తదుపరి సినిమా చేయాలని కూర్చోవడమే అని తెలుస్తోంది.
నిజానికి బుచ్చి టాలీవుడ్ స్టార్ హీరోల్లో ఒకరైన ఎన్టీఆర్ మూవీ చేయడానికి చాలా ప్రయత్నాలు చేశాడు. 'నాన్నకు ప్రేమతో' టైంలో ఏర్పడిన పరిచయంతో యంగ్ టైగర్ కు ఓ కథ కూడా నేరేట్ చేసాడు. బేసిక్ స్టోరీ లైన్ నచ్చడంతో ఫుల్ స్క్రిప్ట్ రెడీ చేసుకొని రమ్మని బుచ్చికి చెప్పినట్లుగా చాలా నెలల క్రితమే వార్తలు వచ్చాయి.
బుచ్చిబాబు రెడీ చేసిన సెకండాఫ్ పై సంతృప్తి చెందని తారక్.. ఆ స్క్రిప్ట్ ని తిరస్కరించాడని ఇటీవల రూమర్స్ వినిపించాయి. కొరటాల శివ సినిమా ఆలస్యం అవడంతో బుచ్చిబాబుని మరో సినిమా చేసుకొని రావాల్సిందిగా ఎన్టీఆర్ సూచించారని కూడా టాక్ వుంది.
ఎలా అయితేనేం ఎన్టీఆర్ తోనే సినిమా చేయాలని ఇన్నాళ్లూ వేచి చూసిన బుచ్చి.. అన్ని ప్రయత్నాలు విఫలం అవ్వడంతో ఇంకో హీరో కోసం అన్వేషణ మొదలు పెట్టారని తెలుస్తోంది. ఈ క్రమంలో ఈసారి దర్శకుడు మెగా పవర్ స్టార్ రామ్ చరణ్ చెంతకు చేరాడని వార్తలు వినిపించాయి.
అయితే ఇప్పుడు చివరకి అదే ఫైనల్ అయినట్లుగా టాక్ నడుస్తోంది. బుచ్చి బాబు ఇప్పటి వరకూ తారక్ తో చెయ్యాలని చూసిన కథనే ఇప్పుడు చరణ్ కి చెప్పి ఒప్పించాడట. దీంతో చెర్రీ హీరోగా ఉప్పెన డైరెక్టర్ రెండో ప్రాజెక్ట్ సెట్ అయినట్లే అని అంటున్నారు. కాకపొతే ఈ ప్రాజెక్ట్ ని మైత్రీ మేకర్స్ కాకుండా.. ఓ కొత్త బ్యానర్ లో రూపొందిస్తారని టాక్.
రామ్ చరణ్ ప్రస్తుతం సౌత్ స్టార్ డైరెక్టర్ శంకర్ తో RC15 వంటి భారీ ప్రాజెక్ట్ చేస్తున్నారు. ప్రస్తుతం సెట్స్ మీదున్న ఈ సినిమా వచ్చే ఏడాది రావడం కష్టంగానే కనిపిస్తోంది. 'ఇండియన్ 2' వచ్చే దసరా కు ప్లాన్ చేస్తే.. చెర్రీ పాన్ ఇండియా చిత్రాన్ని 2024 సంక్రాంతికి తీసుకొచ్చే అవకాశం ఉంది.
గౌతమ్ తిన్ననూరి ప్రాజెక్ట్ క్యాన్సిల్ అయింది కాబట్టి.. బుచ్చిబాబు తోనే RC16 చిత్రం వుంటుందని అనుకోవచ్చు. కాకపోతే ఇప్పుడప్పుడే సెట్స్ మీదకు రాకపోవచ్చు. చరణ్ కి తగ్గట్టుగా బుచ్చి స్క్రిప్ట్ మీద కొంచం వర్క్ చేయాల్సి ఉంటుంది. వచ్చే ఏడాది షూటింగ్ మొదలు పెట్టినా సినిమా పూర్తవ్వడానికి చాలా సమయమే పడుతుంది.
దీన్ని బట్టి బుచ్చి రెండో చిత్రం రావడానికి మరో రెండేళ్లు పట్టొచ్చు. ఈ గ్యాప్ లో రామ్ చరణ్ మరో దర్శకుడు చెప్పిన కథకి గ్రీన్ సిగ్నల్ ఇస్తే బుచ్చిబాబు ప్రాజెక్ట్ నెంబర్ మారుతుంది. అప్పుడు ఎన్టీఆర్ కోసం వెయిట్ చేసినట్లుగా.. చెర్రీ కోసం కూడా వేచి చూసే పరిస్థితి వస్తుంది. అగ్ర హీరోలతో వర్క్ చేయాలని కూర్చుంటే ఆ మాత్రం వెయిటింగ్ తప్పదని ఇండస్ట్రీలో కామెంట్స్ వినిపిస్తున్నాయి.
నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.