పూరి హీరోయిన్ ఘటికురాలే..

డ్యాన్సులంటే హీరోల గురించే మాట్లాడుకుంటాం. ఆ హీరో గొప్ప డ్యాన్సర్.. ఈ హీరో అదరగొట్టేస్తాడు అని చర్చించుకుంటాం తప్ప హీరోయిన్ల డ్యాన్స్ గురించి ఎవ్వరూ మాట్లాడరు. నిజానికి హీరోల్లో కొందరు డ్యాన్సుల్లో స్ట్రాంగ్ ఉంటారు.. కొందరు వీక్ ఉంటారు. కానీ హీరోయిన్లు మాత్రం చాలా వరకు అందరూ మంచి డ్యాన్సర్లే అయి ఉంటారు. కానీ వాళ్ల ప్రతిభను జనాలు గుర్తించరు. తమన్నా లాంటి వాళ్లకు పేరు మోసిన డ్యాన్సింగ్ హీరోల పక్కన ఇరగదీస్తున్నా.. వాళ్ల గురించి జనాలు మాట్లాడరు. మొన్నా మధ్య ప్రభుదేవా రిలీజ్ చేసిన రిహార్సల్స్ వీడియోలు చూస్తుంటే అర్థమవుతుంది తమన్నా టాలెంట్ ఏంటన్నది.

తమన్నా మాత్రమే కాదు.. తెలుగులో ‘లోఫర్’ సినిమా చేసి.. ప్రస్తుతం హిందీలో ‘బేఫికారా’ సినిమాలో టైగర్ ష్రాఫ్ సరసన నటిస్తున్న దిశా పఠాని కూడా తిరుగులేని డ్యాన్సర్ అనడానికి తాజాగా ఆమె ట్విట్టర్లో పెట్టిన వీడియోనే రుజువు. డ్యాన్స్ రిహార్సల్ చేస్తుండగా తీసిన వీడియో అది. ఒక లెంగ్తీ స్టెప్ ను పొల్లుబోకుండా అదిరిపోయే రేంజిలో ఆపకుండా చేసి చూపించింది దిశా. ఆమె డ్యాన్సులో ఉణ్న స్టైల్.. గ్రేస్ ఇందులో స్పష్టంగా కనిపిస్తున్నాయి. దిశాలో ఇంత మంచి డ్యాన్సర్ ఉందా అని సందేహం కలుగుతుంది ఈ వీడియో చూస్తే. దిశా బాయ్ ఫ్రెండ్ అయిన టైగర్ కూడా మంచి డ్యాన్సరే. ‘బేఫికారా’లో ఇద్దరూ కలిసి డ్యాన్సులు ఇరగదీసేశారని అంటున్నారు. వచ్చే నెలలోనే ఈ చిత్రం ప్రేక్షకుల ముందుకు రానుంది.