బిగ్‌బాస్ ప్రియుల‌కు షాక్‌.. నిలిచిపోయిన లైవ్ స్ట్రీమింగ్‌!

తెలుగు బుల్లితెర‌పై సూప‌ర్ స‌క్సెస్ అయిన బిగ్గెస్ట్ రియాలిటీ షో బిగ్ బాస్‌.. ఇప్పుడు ప్ర‌ముఖ‌ ఓటీటీ సంస్థ డిస్నీ ప్లాస్ హాట్‌స్టార్ వేదిక‌గా సంద‌డి చేస్తోన్న సంగ‌తి తెలిసిందే. `బిగ్‌బాస్‌ నాన్‌స్టాప్‌` పేరుతో గ‌త శ‌నివారం సాయంత్రం 6 గంట‌ల‌కు గ్రాండ్‌గా స్ట్రీమింగ్ షురూ అయింది. ఓటీటీ బిగ్‌బాస్‌కు సైతం నాగార్జున‌నే హోస్ట్‌గా వ్య‌వ‌హ‌రిస్తుండ‌గా..మొత్తం 17 మంది కంటెస్టెంట్స్ హౌస్‌లోకి ఎంట‌ర్ అయ్యారు.

బిగ్‌బాస్ ఆదేశాల మేర‌కు వారియర్స్, ఛాలెంజర్స్ అని రెండు గ్రూపులుగా విడిపోయిన కంటెస్టెంట్స్ నానా ర‌చ్చ చేస్తున్నారు. మొత్తానికి షో ర‌స‌వ‌త్త‌రంగా సాగుతుండ‌గా.. బిగ్‌బాస్ ప్రియుల‌కు ఊహించ‌ని షాక్ త‌గిలింది. నో కామా.. నో ఫుల్ స్టాప్.. నాన్ స్టాప్ ఎంటర్ టైన్మెంట్ అంటూ ప్రేక్ష‌కుల ముందుకు వ‌చ్చిన ఓటీటీ బిగ్‌బాస్‌కు ఆదిలోనే బ్రేక్ ప‌డింది.

షో మొద‌లై వారం రోజులు గ‌డ‌వ‌క ముందే.. నిన్న అర్ధరాత్రి `బిగ్‌బాస్ నాన్ స్టాప్` లైవ్ స్ట్రీమింగ్ ను డిస్నీ ప్లస్ హాట్ స్టార్ నిలిపివేసింది. ఒక్కసారిగా షో ఆగిపోవ‌డంతో ప్రేక్షకులకు ఏం జరుగుతుందో తెలీక అయోమ‌యంలో ప‌డ్డారు. అయితే సాంకేతిక సమస్యల కారణంగా లైవ్‌ స్ట్రీమింగ్ ఆగిపోయింద‌ని అంటున్నారు.

ఇక ఏదేమైన‌ప్ప‌టికీ గురువారం అర్ధరాత్రి నుంచి మళ్లీ స్ట్రీమింగ్ ను ప్రారంభిస్తామని హాట్‌స్టార్ వారు తెలిపారు. కాగా, తొలివారం నామినేష‌న్ల విష‌యానికి వ‌స్తే.. నటరాజ్ మాస్ట‌ర్‌, స‌రయు, అరియానా గ్లోరీ, హమిదా, మిత్రరావు శర్మ, ఆర్జే చైతూ, ముమైత్ ఖాన్‌లు నామినేట్ అయ్యారు. మ‌రి ఈ ఏడుగురిలో ఎవ‌రు మొద‌టి వార‌మే ఎలిమినేట్ అవుతారు అన్న‌ది ఇప్పుడు హాట్‌టాపిక్‌గా మారింది.