అఖండ మేకింగ్ వీడియో: బోయ‌పాటితో పెట్టుకుంటే అంతేగా

క‌రోనా క్రైసిస్ ని లెక్క చేయక అద్భుత వసూళ్ల‌తో బంప‌ర్ హిట్ కొట్టింది అఖండ‌. 2021 ముగింపును ఘ‌నంగా చాటింది.  హిందీ ప‌రిశ్ర‌మ‌కే సాధ్యం కానిది టాలీవుడ్ కి సాధ్య‌మైంది. ఏడాది ముగింపులో అఖండ విజ‌యం చిత్ర‌ప‌రిశ్ర‌మ‌ను ఉల్లాస‌ప‌రిచింది. అఖండ 100కోట్ల క్ల‌బ్ లో చేర‌డం ఒక సెన్సేష‌న్‌. న‌ట‌సింహా నంద‌మూరి బాల‌కృష్ణ క‌థానాయ‌కుడిగా న‌టించిన హ్యాట్రిక్ హిట్ చిత్రం అఖండ ఇదే నెలలోనే ఓటీటీలోను విడుద‌లై గొప్ప ఆద‌ర‌ణ ద‌క్కించుకుంటోంది.

తాజాగా ఈ మూవీ మేకింగ్ వీడియోను చిత్ర‌బృందం ఓటీటీ హాట్ స్టార్ లో విడుద‌ల చేసింది. ఇందులో ప్ర‌తి షాట్ ని వివ‌రిస్తూ బోయ‌పాటి ఎంత ఎమోష‌న‌ల్ గా ఉన్నారో అర్థ‌మ‌వుతోంది. ప‌ర్ఫెక్ష‌న్ కోసం మాస్ డైరెక్ట‌ర్ ప్ర‌తిదీ బాల‌య్య స‌హా టీమ్ కి వివ‌రిస్తున్న తీరు వారెవ్వా అనిపిస్తోంది.

ముఖ్యంగా ఎన్బీకే అఘోరా వేష‌ధార‌ణ‌లో భారీ యాక్ష‌న్ సీన్స్ లో ప్ర‌తి షాట్ ని బోయ‌పాటి సార‌థ్యంలోనే మేకింగ్ చేయ‌డం ఆస‌క్తిని క‌లిగించింది. జ‌గ‌ప‌తిబాబు.. శ్రీ‌కాంత్ స‌హా చిత్ర‌బృందం ఈ వీడియోలో క‌నిపించారు. ఆన్ లొకేష‌న్ బాల‌య్య బాబు ద‌ర్శ‌కుడు ఏం చెబితే అది విన‌డం వ‌ర‌కేన‌ని కూడా ఈ వీడియో చెబుతోంది. ప్ర‌స్తుతం ఇది యూట్యూబ్ స‌హా సోష‌ల్ మీడియాల్లో వైర‌ల్ గా మారింది. సింహా- లెజెండ్ త‌ర్వా హ్యాట్రిక్ మూవీ అఖండ కోసం బోయ‌పాటి - బాల‌య్య బృందం ఎంతో శ్ర‌మించారు. ఆ క‌ష్టం హ్యాట్రిక్ హిట్ల రూపంలో ప్ర‌తిఫ‌లించింది.