వైరల్ ఫోటో.. సూర్యని ఇంత విచారంగా ఎప్పుడైనా చూశారా?

కోలీవుడ్ స్టార్ హీరో సూర్య 'కంగువ' సినిమా మీద బోలెడన్ని ఆశలు పెట్టుకున్నారు. తనకు బిగ్గెస్ట్ బ్లాక్ బస్టర్ అందించడమే కాదు, తమిళ సినిమాకి అందని ద్రాక్షలా మారిన 1000 కోట్ల క్లబ్ లోకి చేరుతుందని భావించారు. కానీ భారీ అంచనాలతో నవంబర్ 14న విడుదలైన ఈ పీరియడ్ ఫాంటసీ యాక్షన్ మూవీకి ఆడియన్స్ నుండి మిక్స్డ్ రెస్పాన్స్ వచ్చింది. దీంతో బాక్సాఫీస్ వద్ద ఆశించిన స్థాయిలో వసూళ్లు సాధించలేకపోయింది. ఫలితంగా డిజాస్టర్‌గా నిలిచిపోయింది. ఈ మూవీ పరాజయాన్ని జీర్ణించుకోలేకపోతున్న అభిమానులు, ఇప్పుడు సూర్య లేటెస్ట్ ఫోటోలు చూసి మరింత బాధ పడుతున్నారు.

సూర్య తన సతీమణి జ్యోతికతో కలిసి తాజాగా కర్ణాటకలోని కొల్లూరు శ్రీ మూకాంబిక దేవి ఆలయాన్ని సందర్శించారు. దీనికి సంబంధించిన ఫోటోలు ఇంటర్నెట్ లో వైరల్ అవుతున్నాయి. ఇందులో జ్యోతిక దంపతులు సాంప్రదాయ వస్త్రాల్లో కనిపించారు. సూర్య కళ్లద్దాలు పెట్టుకొని బాగా అలసిపోయిట్లు, చాలా విచారంగా ఉన్నారు. జ్యోతిక ఫేస్ లో నవ్వు కనిపిస్తున్నప్పటికీ, సూర్య మాత్రం ఏదో బాధలో ఉన్నట్లు ఆయన కళ్లలో తెలిసిపోతోంది. ఎప్పుడూ సంతోషంగా కనిపించే సూర్య ఇలా బాధ పడటాన్ని తాము చూడలేకపోతున్నామని, కన్నీళ్లు వస్తున్నాయని అభిమానులు కామెంట్స్ చేస్తున్నారు.

'కంగువ' సినిమా ప్లాప్ అయిన కారణంగానే సూర్య చాలా డల్ అయినట్లు ఫ్యాన్స్ భావిస్తున్నారు. సోషల్ మీడియాలో ఆయనకు తమ మద్దతును తెలుపుతూ పోస్టులు పెడుతున్నారు. ఈ నిరాశ పరిచినా సూర్య బాధపడకూడదని, తన తదుపరి చిత్రంలో కచ్చితంగా బౌన్స్ బ్యాక్ అవుతాడని కామెంట్స్ చేస్తున్నారు. మళ్ళీ తమ అభిమాన హీరో ముఖంలో సంతోషం చూసే రోజులు తప్పకుండా త్వరలోనే తిరిగి వస్తాయని అంటున్నారు. ఏదేమైనా సూర్య విచారంగా ఉన్న ఫోటోలు ఇప్పుడు నెట్టింట ట్రెండింగ్‌లో ఉన్నాయి.

శివ దర్శకత్వంలో 'కంగువ' సినిమా తెరకెక్కింది. స్టూడియో గ్రీన్ బ్యానర్ పై రూ. 300-350 కోట్ల బడ్జెట్ తో కేఈ జ్ఞానవేల్ రాజా ఈ చిత్రాన్ని నిర్మించారు. ఇందులో సూర్య రెండు పాత్రల్లో నటించారు. దాదాపు మూడున్నరేళ్లు కష్టపడి ఈ సినిమా తీశారు. కానీ బాక్సాఫీస్ వద్ద తీవ్ర నిరాశ పరిచింది. మిగతా భాషల కంటే తమిళనాడులో ఈ చిత్రానికి గట్టి ఎదురుదెబ్బ తగిలింది. ఇప్పటి దాకా ప్రపంచ వ్యాప్తంగా రూ.140 కోట్ల వరకు మాత్రమే వసూలు చేయగలిగిందని ట్రేడ్ వర్గాలు పేర్కొన్నాయి. దీన్ని బట్టి ఇది భారతీయ చలనచిత్రంలో అతిపెద్ద నష్టాలలో ఒకటిగా నిలిచిందని చెప్పాలి.

నిజానికి సూర్య థియేటర్లలో హిట్టు కొట్టి చాలా కాలమే అయింది. 'ఆకాశం నీ హద్దురా' 'జై భీమ్' లాంటి రెండు మంచి సినిమాలు డైరెక్ట్ ఓటీటీలో రిలీజ్ అయ్యాయి. 'ఈటీ' మూవీ పాన్ ఇండియా బాక్సాఫీస్ బద్ద ప్లాప్ అయింది. ఈ క్రమంలో ఎన్నో హోప్స్ పెట్టుకున్న 'కంగువ' సినిమా సైతం సూర్య బాక్సాఫీస్ స్టామినా ఏంటో చూపించలేకపోయింది. కాకపోతే రాబోయే సినిమాలతో తప్పకుండా బ్లాక్ బస్టర్లు కొడతాడని ఫ్యాన్స్ ధీమాగా ఉన్నారు. సూర్య ప్రస్తుతం కార్తీక్ సుబ్బరాజు దర్శకత్వంలో 'Suriya 44' సినిమా చేస్తున్నారు. ఈ గ్యాంగ్ స్టర్ లవ్ యాక్షన్ డ్రామలో పూజా హెగ్డే హీరోయిన్ గా నటిస్తోంది. అలానే ఆర్జే బాలాజీతో 'Suriya 45' సినిమాని ప్రకటించారు. ఇదొక డివోషనల్ ఫాంటసీ ఎంటర్‌టైనర్. త్వరలోనే ఈ సినిమా షూటింగ్ ప్రారంభం కానుంది.