మరో క్రేజీ మూవీ స్ట్రీమింగ్‌ కు రెడీ

గత ఏడాది అక్టోబర్‌ 4న ప్రేక్షకుల ముందుకు వచ్చిన కామెడీ చిత్రం 'డాలీ కిట్టి ఔర్ వో చమక్తే సీతారే' మంచి స్పందన దక్కించుకుంది. అయితే ఇప్పటి వరకు ఈ సినిమా ఓటీటీ పై స్ట్రీమింగ్‌ అవ్వలేదు. కొన్ని కారణాల వల్ల ఓటీటీ బిజినెస్‌ కాలేదు. తాజాగా ఈ సినిమాను నెట్‌ ఫ్లిక్స్‌ కొనుగోలు చేసింది. అమెజాన్‌ ప్రైమ్‌ తో పాటు జీ5 ఇంకా పలు ఓటీటీలతో కలిసి ఈ సినిమా కొనుగోలుకు నెట్‌ ఫిక్ల్స్‌ పోటీ పడింది. చివరకు భారీ మొత్తానికి నెట్‌ ఫ్లిక్స్‌ కొనుగోలు చేసినట్లుగా తెలుస్తోంది. తాజాగా సినిమా స్ట్రీమింగ్‌ కు నెట్‌ ప్లిక్స్‌ రెడీ అయ్యింది.

ఈనెల 18 నుండి స్ట్రీమింగ్‌ చేయబోతున్నట్లుగా నెట్‌ ప్లిక్స్‌ ప్రకటించింది. కొంకన సేన్‌ శర్మ మరియు భూమి పడ్నేకర్‌ లు ఈ సినిమాలో కీలక పాత్రల్లో నటించారు. విక్రాంత్‌ మిస్సీ మరియు అమోల్‌ లు కూడా ఈ సినిమాలో నటించారు. అలంకృత శ్రీవాత్సవ దర్శకత్వంలో ఈ సినిమాను ఏక్తా కపూర్‌ నిర్మించారు. బోల్డ్‌ కామెడీ ఎంటర్‌ టైనర్‌ గా తెరకెక్కిన ఈ సినిమా ఇప్పుడు ఓటీటీ ప్రేక్షకులను ఎంటర్‌ టైన్‌ చేసేందుకు రాబోతుంది. కొత్త సినిమాలు చాలా వచ్చినా కూడా ఈ సినిమా కోసం ప్రేక్షకులు చాలా ఆసక్తిగా ఎదురు చూస్తున్నారు.