కె.ఏ పాల్ బయోపిక్ లో ట్రంప్?

గ‌త కొంత‌కాలంగా కె.ఏ.పాల్ బ‌యోపిక్ సెట్స్ పైకి వెళుతోంది అంటూ ప్ర‌చారం సాగుతోంది. ఈ చిత్రంలో కమెడియ‌న్ ట‌ర్న్ డ్ హీరో సునీల్ టైటిల్ పాత్ర‌లో న‌టిస్తున్నార‌న్న‌ది స‌ర్ ప్రైజ్ న్యూస్. అయితే ఈ సినిమాపై సాగుతున్న ప్ర‌చారంలో వాస్త‌వం ఎంత‌? అంటూ సందేహాలు వ్య‌క్త‌మ‌య్యాయి. అయితే ఇటీవ‌లే ఈ బ‌యోపిక్ తీస్తున్న‌ట్టు చిత్ర‌యూనిట్ నుంచి కొన్ని లీకులు అందాయి.

కె.ఏ.పాల్ బ‌యోపిక్ ప్ర‌స్తుతం సెట్స్ పై ఉందని.. ఆ పాత్ర‌లో న‌టించేందుకు మేకోవ‌ర్ కోసం సునీల్ అమెరికా వెళ్లార‌ని ఇటీవ‌ల ఓ లీకు అందింది. సునీల్ ప్రస్తుతం అమెరికాలో ఉన్నార‌ని స‌మాచారం. ప్ర‌త్యేకించి పాల్ ఆహార్యం కోసం ప్ర‌ముఖ‌ హాలీవుడ్ ప్రోస్థ‌టిక్స్ మేక‌ప్ స్పెష‌లిస్టుని సునీల్ సంప్రదించినట్టు తెలుస్తుంది.

అంతేకాదు.. ఈ చిత్రంలో ఓ ఇద్ద‌రు దేశాధ్య‌క్షుల పాత్ర‌లు ఉన్నాయ‌ట‌. ఇందులో అమెరికా అధ్య‌క్షుడు ట్రంప్ పాత్ర ఎంతో కీల‌కంగా ఉంటుంద‌ట‌. ప్ర‌స్తుతం ట్రంప్ పోలికలతో ఉండే ఆర్టిస్ట్ ని గుర్తించారని తెలుస్తోంది. అలాగే ఈ సినిమా లో ఉత్త‌ర‌ కొరియా అధ్యకుడు కిమ్ జామ్ ఉన్  పాత్ర ఆద్యంతం ఆస‌క్తిని రేకెత్తిస్తుంద‌ట‌. ఆ పాత్ర కోసం ఆర్టిస్టును వెతుకుతున్నారు. అలాగే హాలీవుడ్ టాప్ స్టార్ ఏంజెలీనా జోలీ ముఖ‌క‌వ‌లిక‌లు ఉన్న‌ ఆర్టిస్ట్ కూడా ఈ చిత్రంలో నటిస్తున్నార‌ని తెలుస్తోంది. అన్ని ప‌నులు పూర్తి చేసి క్రిస్మ‌స్ (డిసెంబ‌ర్ 2019) కానుక‌గా రిలీజ్ చేయాల‌ని ప్లాన్ చేస్తున్నార‌ట‌. త్వ‌ర‌లోనే ఈ సినిమాకి సంబంధించి అధికారికంగానూ వివ‌రాల్ని వెల్ల‌డించేందుకు చిత్ర‌యూనిట్ రెడీ అవుతోంద‌ట‌.