గత రెండు సంవత్సరాలుగా సౌత్‌ సినిమాలను ముఖ్యంగా తెలుగు సినిమాలను హిందీలో వరుసగా రీమేక్‌ చేస్తున్నారు. అర్జున్‌ రెడ్డి ని కబీర్‌ సింగ్‌ గా రీమేక్‌ చేయగా సూపర్ హిట్‌ అయ్యింది. దాంతో వరుసగా బాలీవుడ్‌ లో తెలుగు సినిమాలు రీమేక్‌ అవుతున్నాయి. సౌత్‌ లో సెన్షేషనల్‌ సక్సెస్‌ అయిన 'కాంచన' సినిమాను హిందీలో లక్ష్మి గా రీమేక్‌ చేసిన విషయం తెల్సిందే. అక్షయ్‌ కుమార్‌ హీరోగా రూపొందిన లక్ష్మి సినిమా ఇటీవలే ఓటీటీ ద్వారా ప్రేక్షకుల ముందుకు వచ్చింది. సౌత్‌ లో సూపర్ హిట్‌ అయిన కాంచనా హిందీలో మాత్రం ఆకట్టుకోలేదు. ఇప్పుడు మరో తెలుగు సినిమాను హిందీలో నిరాశ పర్చారు.
అనుష్క నటించిన భాగమతి సినిమాను హిందీలో 'దుర్గమతి'గా రీమేక్‌ చేశారు. అనుష్క పాత్రను భూమీ పడ్నేకర్‌ పోషించగా తెలుగు వర్షన్‌ కు దర్శకత్వం వహించిన అశోక్‌ హిందీ వర్షన్‌ కు కూడా దర్శకత్వం వహించాడు. తెలుగులో ఈ సినిమాను రూపొందించిన దర్శకుడే హిందీలో చేసినా కూడా ప్రేక్షకులను ఆకట్టుకోవడంలో మాత్రం విఫలం అయ్యాడు. భారీ అంచనాల నడుమ రూపొందిన దుర్గమతి సినిమా ఇటీవల అమెజాన్‌ ప్రైమ్‌ ద్వారా వచ్చి నెగటివ్‌ రివ్యూలను పొందింది. దాంతో ఈ సినిమా కూడా లక్ష్మి బాటలోనే నడిచింది అంటూ నెటిజన్స్‌ కామెంట్స్‌ చేస్తున్నారు.
అనుష్క నటించిన భాగమతి సినిమాను హిందీలో 'దుర్గమతి'గా రీమేక్‌ చేశారు. అనుష్క పాత్రను భూమీ పడ్నేకర్‌ పోషించగా తెలుగు వర్షన్‌ కు దర్శకత్వం వహించిన అశోక్‌ హిందీ వర్షన్‌ కు కూడా దర్శకత్వం వహించాడు. తెలుగులో ఈ సినిమాను రూపొందించిన దర్శకుడే హిందీలో చేసినా కూడా ప్రేక్షకులను ఆకట్టుకోవడంలో మాత్రం విఫలం అయ్యాడు. భారీ అంచనాల నడుమ రూపొందిన దుర్గమతి సినిమా ఇటీవల అమెజాన్‌ ప్రైమ్‌ ద్వారా వచ్చి నెగటివ్‌ రివ్యూలను పొందింది. దాంతో ఈ సినిమా కూడా లక్ష్మి బాటలోనే నడిచింది అంటూ నెటిజన్స్‌ కామెంట్స్‌ చేస్తున్నారు.