ఈషా రెబ్బా ల‌క్కీ ఛాన్స్‌.. ఆ హీరోతో క‌లిసి

ఇప్ప‌టి వ‌ర‌కు ప‌లు సినిమాల్లో న‌టించిన‌ప్ప‌టికీ.. త‌గిన గుర్తింపు ద‌క్కించుకోలేక‌పోయింది తెలుగు సోయగం ఈషా రెబ్బా. అయితే.. హీరోయిన్ గా స‌త్తా చాటేందుకు త‌న వంతు ప్ర‌య‌త్నాలు చేస్తూనే ఉంది. నిత్యం హాట్ ఫొటో షూట్ లు నిర్వ‌హిస్తూ.. సోష‌ల్ మీడియా వేదిక‌గా అభిమానుల‌కు ట‌చ్ లోనే ఉంటోంది. ఈ క్ర‌మంలోనే మ‌ల‌యాళం ఇండ‌స్ట్రీ నుంచి మంచి ఛాన్స్ కొట్టేసింది.

డైరెక్ట‌ర్ ఫెల్లిని రూపొందిస్తున్న ఓ సినిమాలో హీరోయిన్ గా ఎంట్రీ ఇస్తోంది. కుంచాకో బోబ‌న్ హీరోగా న‌టిస్తున్నాడు. ఈ సినిమాలో ప్ర‌ముఖ హీరో అర‌వింద్ స్వామి కూడా న‌టించ‌నున్నారు. ఈ సినిమా గురించి ఈషా రెబ్బ మాట్లాడుతూ.. త‌న‌ను ఓ సినిమాలో చూసి డైరెక్ట‌ర్ ఫెల్లిని సెల‌క్ట్ చేశార‌ని చెప్పారు. అయితే.. స్క్రిప్టు విన్న త‌ర్వాతే ఓకే చెప్పాన‌ని, స్టోరీ విన్న త‌ర్వాత ఖ‌చ్చితంగా హిట్ అవుతుంద‌న్న కాన్ఫిడెన్స్ వ‌చ్చింద‌ని అన్నారు.

ఇద్ద‌రు ఫ్రెండ్స్ మ‌ధ్య ఉండే రిలేష‌న్ ను బేస్ చేసుకొని ఈ సినిమా తెర‌కెక్క‌నుంద‌ని తెలిపింది ఈషా. క‌రోనా ప‌రిస్థితులు చ‌క్క‌బ‌డిన త‌ర్వాత గోవాలో షూట్ ప్లాన్ చేస్తున్న‌ట్టు తెలిపింది. కాగా.. తెలుగు అమ్మాయిలు స్టార్‌ హీరోయిన్లుగా మార‌డం అరుదుగానే జ‌రుగుతోంది. ప్ర‌స్తుతం ఈ రేసులో ఉన్న‌వారు కూడా చాలా త‌క్కువే. మ‌రి, ఈషారెబ్బ ఎలాంటి స్టార్ డ‌మ్ క్యాచ్ చేస్తుంద‌నేది చూడాలి.