‘ఎర్రగడ్డ లవ్ స్టోరీ’: యాక్షన్ కాదు ఓవర్ యాక్షన్..

బిగ్ బాస్ బుధవారం ఇంటి సభ్యులులకు ఇచ్చిన ఛలో ఇండియా టాస్క్ గురువారం కూడా కొనసాగింది. ఇంటి సభ్యులు వివిధ పాత్రల్లో నటిస్తూ...బిగ్ బాస్ ఎక్స్ ప్రెస్ లో ఇండియాలోని వివిధ ప్రదేశాలు తిరిగొచ్చేశారు. ఒకవైపు జంటగా నటిస్తున్న పునర్నవి-రవిలు రొమాన్స్ లో ఏ మాత్రం తగ్గకపోగా - శ్రీముఖి అలీకి లైన్ వేస్తూనే ఉంది. మధ్యలో హిమజ-మహేశ్ జంట గొడవలు పడుతూనే ఉన్నారు. అటు వరుణ్-రాహుల్ డ్రైవింగ్ లో బిజీగా ఉండగా - బాబా భాస్కర్ టీ - స్నాక్స్ అమ్మారు. ఇలా ఎవరి పాత్రలో వారు జీవించారు.

ఇక మధ్య మధ్యలో బిగ్ బాస్ ఎక్స్ ప్రెస్ కొన్ని స్టేషన్స్ లో ఆగుతూ ఇంటి సభ్యులకు కొన్ని టాస్క్ లు ఇచ్చారు. ఈ క్రమంలోనే బిగ్ బాస్ ఇంటి సభ్యులకు ఐదు నిమిషాల నిడివి గల ఓ స్టోరీని తీయాలని టాస్క్ ఇచ్చారు. దీనికి ఎర్రగడ్డ లవ్ స్టోరీ అని పేరు పెట్టి బాబా భాస్కర్ డైరక్షన్ చేశాడు. కెమెరామెన్‌ గా వరుణ్ - అసిస్టెంట్‌ గా రాహుల్.. నటీనటులుగా శ్రీముఖి - హిమజ - రవి - అలీ - మహేష్ - పునర్నవి - వితిక - జ్యోతిలు ఉన్నారు. యాక్షన్ లో దిగిన ఇంటి సభ్యులు ఫుల్ ఓవర్ యాక్షన్ చేశారు. ఎర్రగడ్డ స్టోరీకి తగ్గట్టుగా పిచ్చి పిచ్చిగా చేసేశారు.

దీని తర్వాత ట్రైన్ ఇంకో స్టేషన్ లో ఆగగా - అక్కడ అలీ రాహుల్ మధ్య స్విమ్మింగ్ పూల్ లో చేపలు పట్టే టాస్క్ ఇచ్చారు. ఎవరు ఎక్కువ చేపలు పడితే వారు గెలిచినట్లు దీంతో అలీ-రాహుల్ పోటీపడి మరి చేపలు పట్టారు. చివరికి అలీ ఎక్కువ చేపలు పట్టడంతో విన్నర్ గా నిలిచాడు. మాములుగానే ష‌ర్ట్‌ తీసి రచ్చ చేసే అలీ ఈ టాస్క్ లో కేవలం షార్ట్ వేసుకుని ఎక్స్ పోజ్ చేశాడు. తన సిక్స్ ప్యాక్ చూపిస్తూ స్టెప్పులతో అలరించాడు.