మర్డరా రేపా - ట్రైలర్ టాక్

అడవి శేష్ హీరోగా పివిపి సంస్థ నిర్మించిన ఎవరు ఈ నెల 15 విడుదల కానుంది. కొద్దిరోజుల క్రితం వదిలిన టీజర్ కు మంచి స్పందన వచ్చిన నేపథ్యంలో ట్రైలర్ ను రిలీజ్ చేశారు. కథలోని కీ పాయింట్ ని చెప్పే ప్రయత్నం ఇందులో చేశారు. అనగనగా ఓ అమ్మాయి(రెజీనా కెసెండ్రా). అనుకోకుండా ఊహించని రీతిలో తనో అఘాయిత్యానికి బలవుతుంది.

కానీ అనూహ్యంగా ఓ హత్య కేసులో ముద్దాయిగా నిలబడే పరిస్థితి వస్తుంది. అప్పుడు రంగంలోకి దిగుతాడు విక్రమ్ వాసుదేవ్(అడవి శేష్). బాగా కరప్టెడ్ పోలీస్ గా పేరున్న విక్రమ్ ఈ కేసు నుంచి ఏదైనా లాభం పొందాలనే ఉద్దేశంతో ఇన్వెస్ టిగేషన్ మొదలుపెడతాడు. కానీ చాలా పరిణామాలు ఎదురవుతాయి. ఒకటికి బదులు రెండు మర్డర్లు ఆ అమ్మాయి మీద పడతాయి. దీంతో సంక్లిష్టంగా మారిన కేసు నుంచి తనను విక్రమ్ ఎలా బయటికి తీసుకొచ్చాడు అసలు హంతకులు ఎవరు లాంటి ప్రశ్నలకు సమాధానమే ఎవరు

ట్రైలర్ ని మంచి ఇంటెన్సిటీతో నింపారు. క్రైమ్ థ్రిల్లర్ గా రూపొందిన ఎవరులో ఆర్టిస్టుల పెర్ఫార్మన్స్ కీలక పాత్ర పోషిస్తోంది. అన్ని వైపులా ఇరుక్కుపోయిన నిస్సహాయ పాత్రలో రెజీనా పర్ఫెక్ట్ ఛాయస్ గా నిలవగా డిఫరెంట్ షేడ్స్ ఉన్న రోల్ లో అడవి శేష్ మంచి వేరియేషన్ చూపించాడు. షాట్స్ ని వేగంగా మూవ్ చేయడంతో మిగిలిన ఆర్టిస్టులను అంతగా రివీల్ చేయలేదు. శ్రీచరణ్ పాకాల సంగీతం అందిస్తున్న ఎవరుకు వంశీ పచ్చిపులుసు ఛాయాగ్రహణం అందిస్తున్నారు.ఆగస్ట్ 15 రానున్న ఎవరు ట్రైలర్ ని బట్టి చూస్తే ఇన్వెస్టిగేషన్ మూవీ లవర్స్ కి మంచి ఛాయస్ గా నిలిచేలా ఉంది .