విక్టరీ వెంకటేష్ - మెగా ప్రిన్స్ వరుణ్ తేజ్ హీరోలుగా నటిస్తున్న తాజా చిత్రం ''ఎఫ్ 3''. బ్లాక్ బస్టర్ డైరెక్టర్ అనిల్ రావిపూడి ఈ ఫ్యామిలీ అండ్ కామెడీ ఎంటర్టైనర్ కి దర్శకత్వం వహిస్తున్నారు. 2019 సంక్రాంతి సీజన్ లో ఘన విజయం సాధించిన 'ఎఫ్ 2' ఫ్రాంచైజీలో ఈ సినిమా తెరకెక్కుతోంది. ఫన్ అండ్ ఫస్ట్రేషన్ కు ఈసారి ఫైనాన్స్ ని జత చేసి రెట్టింపు వినోదాన్ని అందించబోతున్నారు.
నూతన సంవత్సరం శుభాకాంక్షలు తెలుపుతూ తాజాగా ''ఎఫ్ 3'' నుంచి కొత్త పోస్టర్ ని రిలీజ్ చేశారు. ఇందులో వెంకీ - వరుణ్ ఇద్దరూ కలర్ ఫుల్ ట్రెండీ కాస్ట్యూమ్స్ లో స్టైలిష్ గా ఉన్నారు. ప్రేక్షకులను ఎంటర్టైన్ చేయడానికి సమ్మర్ వస్తున్నారని.. 2022 ఏప్రిల్ 29న థియేటర్లలో బ్లాస్ట్ చేయబోతున్నారని మేకర్స్ పేర్కొన్నారు.
వాస్తవానికి 'ఎఫ్ 3' చిత్రాన్ని గతేడాది ఆగస్ట్ నెలలోనే విడుదల చేయాలని అనుకున్నారు. అయితే కరోనా నేపథ్యంలో వీలు పడలేదు. 2022 సంక్రాంతి సందర్భంగా రావాలని చూసారు కానీ.. అప్పటికే పెద్ద సినిమాలు డేట్స్ లాక్ చేసుకోవడంతో వెనక్కి తగ్గారు. ఫిబ్రవరి 25వ తేదీని ఫిక్స్ చేసుకున్నారు. ఈసారి సంక్రాంతి రిలీజుల విషయంలో ఏర్పడిన గందరగోళ పరిస్థితుల్లో 'భీమ్లా నాయక్' కోసం ఈ డేట్ ని వదులుకొని సమ్మర్ వార్ లో దిగడానికి నిర్ణయించుకున్నారు.
ఈ నేపథ్యంలో 'ఎఫ్ 3' రిలీజ్ గురించి తాజాగా ఓ ఫన్నీ వీడియోని సోషల్ మీడియాలో షేర్ చేశారు. 'ఎఫ్ 2' ప్రాంఛైజీకి ఫ్యాన్ అయిన నాగరత్తమ్మ - డైరెక్టర్ అనిల్ రావిపూడి మధ్య జరిగిన ఫన్నీ సంభాషణలు ఆకట్టుకుంటున్నాయి. ఈసారి సంక్రాంతి అల్లుళ్లు కాదని.. సమ్మర్ సోగ్గాళ్ళు అని అనిల్ పేర్కొన్నారు. మండు వేసవిలో చల్లటి నవ్వులు పంచుతుందని తెలిపారు.
కాగా, 'ఎఫ్ 3' చిత్రంలో వెంకటేష్ కు సరసన తమన్నా భాటియా.. వరుణ్ తేజ్ కు జోడీగా మెహ్రీన్ కౌర్ హీరోయిన్లుగా నటిస్తున్నారు. బాలీవుడ్ బ్యూటీ సోనాలి చౌహన్ స్పెషల్ రోల్ లో సందడి చేయనుంది. సునీల్ - రాజేంద్ర ప్రసాద్ - బొమన్ ఇరానీ - వెన్నెల కిషోర్ - మురళీ శర్మ - రఘుబాబు - శ్రీకాంత్ అయ్యంగార్ - అన్నపూర్ణ - వై. విజయ - ప్రగతి - పృథ్వీరాజ్ తదితరులు ఇతర పాత్రలు పోషించారు.
శ్రీ వెంకటేశ్వర క్రియేషన్స్ బ్యానర్ పై దిల్ రాజు - శిరీష్ కలిసి ఈ చిత్రాన్ని నిర్మిస్తున్నారు. హర్షిత్ రెడ్డి సహ నిర్మాతగా వ్యవహరిస్తున్నారు. రాక్ స్టార్ దేవిశ్రీ ప్రసాద్ సంగీతం సమకూరుస్తున్నారు. సాయి శ్రీరామ్ సినిమాటోగ్రఫీ అందించగా.. ఏఎస్ ప్రకాష్ ఆర్ట్ డైరెక్టర్ గా వర్క్ చేస్తున్నారు. తమ్మిరాజు ఎడిటర్. ఇప్పటికే షూటింగ్ పూర్తి చేసుకున్న 'ఎఫ్ 3' ప్రస్తుతం పోస్ట్ ప్రొడక్షన్ జరుపుకుంటోంది.
Full View
నూతన సంవత్సరం శుభాకాంక్షలు తెలుపుతూ తాజాగా ''ఎఫ్ 3'' నుంచి కొత్త పోస్టర్ ని రిలీజ్ చేశారు. ఇందులో వెంకీ - వరుణ్ ఇద్దరూ కలర్ ఫుల్ ట్రెండీ కాస్ట్యూమ్స్ లో స్టైలిష్ గా ఉన్నారు. ప్రేక్షకులను ఎంటర్టైన్ చేయడానికి సమ్మర్ వస్తున్నారని.. 2022 ఏప్రిల్ 29న థియేటర్లలో బ్లాస్ట్ చేయబోతున్నారని మేకర్స్ పేర్కొన్నారు.
వాస్తవానికి 'ఎఫ్ 3' చిత్రాన్ని గతేడాది ఆగస్ట్ నెలలోనే విడుదల చేయాలని అనుకున్నారు. అయితే కరోనా నేపథ్యంలో వీలు పడలేదు. 2022 సంక్రాంతి సందర్భంగా రావాలని చూసారు కానీ.. అప్పటికే పెద్ద సినిమాలు డేట్స్ లాక్ చేసుకోవడంతో వెనక్కి తగ్గారు. ఫిబ్రవరి 25వ తేదీని ఫిక్స్ చేసుకున్నారు. ఈసారి సంక్రాంతి రిలీజుల విషయంలో ఏర్పడిన గందరగోళ పరిస్థితుల్లో 'భీమ్లా నాయక్' కోసం ఈ డేట్ ని వదులుకొని సమ్మర్ వార్ లో దిగడానికి నిర్ణయించుకున్నారు.
ఈ నేపథ్యంలో 'ఎఫ్ 3' రిలీజ్ గురించి తాజాగా ఓ ఫన్నీ వీడియోని సోషల్ మీడియాలో షేర్ చేశారు. 'ఎఫ్ 2' ప్రాంఛైజీకి ఫ్యాన్ అయిన నాగరత్తమ్మ - డైరెక్టర్ అనిల్ రావిపూడి మధ్య జరిగిన ఫన్నీ సంభాషణలు ఆకట్టుకుంటున్నాయి. ఈసారి సంక్రాంతి అల్లుళ్లు కాదని.. సమ్మర్ సోగ్గాళ్ళు అని అనిల్ పేర్కొన్నారు. మండు వేసవిలో చల్లటి నవ్వులు పంచుతుందని తెలిపారు.
కాగా, 'ఎఫ్ 3' చిత్రంలో వెంకటేష్ కు సరసన తమన్నా భాటియా.. వరుణ్ తేజ్ కు జోడీగా మెహ్రీన్ కౌర్ హీరోయిన్లుగా నటిస్తున్నారు. బాలీవుడ్ బ్యూటీ సోనాలి చౌహన్ స్పెషల్ రోల్ లో సందడి చేయనుంది. సునీల్ - రాజేంద్ర ప్రసాద్ - బొమన్ ఇరానీ - వెన్నెల కిషోర్ - మురళీ శర్మ - రఘుబాబు - శ్రీకాంత్ అయ్యంగార్ - అన్నపూర్ణ - వై. విజయ - ప్రగతి - పృథ్వీరాజ్ తదితరులు ఇతర పాత్రలు పోషించారు.
శ్రీ వెంకటేశ్వర క్రియేషన్స్ బ్యానర్ పై దిల్ రాజు - శిరీష్ కలిసి ఈ చిత్రాన్ని నిర్మిస్తున్నారు. హర్షిత్ రెడ్డి సహ నిర్మాతగా వ్యవహరిస్తున్నారు. రాక్ స్టార్ దేవిశ్రీ ప్రసాద్ సంగీతం సమకూరుస్తున్నారు. సాయి శ్రీరామ్ సినిమాటోగ్రఫీ అందించగా.. ఏఎస్ ప్రకాష్ ఆర్ట్ డైరెక్టర్ గా వర్క్ చేస్తున్నారు. తమ్మిరాజు ఎడిటర్. ఇప్పటికే షూటింగ్ పూర్తి చేసుకున్న 'ఎఫ్ 3' ప్రస్తుతం పోస్ట్ ప్రొడక్షన్ జరుపుకుంటోంది.