సక్సెస్ బాటలో ఫలక్నుమా దాస్..!

తెలుగు ఇండస్ట్రీలో ప్రతి ఏడాది కొత్త హీరోలు పుట్టుకొస్తూనే ఉన్నారు. అలా డెబ్యూ అవుతున్నారో లేదో అప్పుడే ఫ్యాన్స్ బేస్, ఫాలోయింగ్ అంటూ హవా మాములుగా లేదు. ప్రస్తుతం టాలీవుడ్ యంగ్ హీరోలలో ఒకరు విశ్వక్ సేన్. వెళ్ళిపోమాకే అనే సినిమాతో కెరీర్ ప్రారంభించిన విశ్వక్.. 'ఈ నగరానికి ఏమైంది' అనే సినిమాతో ఇండస్ట్రీలో హీరోగా గుర్తింపు పొందాడు. అలా హీరో అని గుర్తించేలోపే అటు దర్శకుడు ఇటు నిర్మాతగా మారి 'ఫలక్నుమా దాస్' సినిమాను తెరకెక్కించాడు. ఆ సినిమా కాస్తా బాక్సాఫీస్ వద్ద హిట్ అవ్వడంతో ఈ హీరోకు యూత్ లో ఫాలోయింగ్, క్రేజ్ బాగా పెరిగిపోయింది. ఎవరూ తనతో సినిమా తీసేందుకు ముందుకు రావడం లేదని ఫ్రస్ట్రేషన్ లో పక్కా హైదరాబాద్ నేపథ్యంతో 'ఫలక్నుమా దాస్' సినిమా తీసాడు.

ఆ సినిమాతో దర్శకుడుగా కూడా టాలెంట్ ప్రూవ్ చేసుకునే సరికి వరుసగా హీరో ఆఫర్స్ వచ్చాయి. మెల్లగా ఒక్కో సినిమా చేసుకుంటూ వెళ్తున్నాడు. నిజానికి ఫలక్నుమా దాస్ టైంలో.. 'నన్నెవడు లేపే అవసరం లేదు.. నన్ను నేను లేపుకుంటా" అంటూ సంచలనమైన వ్యాఖ్యలతో యూత్ ను తనవైపు తిప్పుకున్నాడు విశ్వక్. ఆ తర్వాత గతేడాది న్యూ డైరెక్టర్ శైలేంద్ర దర్శకత్వంలో 'హిట్' సినిమా చేసాడు. ఆ సినిమా కూడా బాక్సాఫీస్ దగ్గర హిట్టుగా నిలిచింది. ప్రస్తుతం మరో న్యూ డైరెక్టర్ నరేష్ కుప్పిలి దర్శకత్వంలో పాగల్ అనే సినిమా చేస్తున్నాడు. రొమాంటిక్ యూత్ ఫుల్ ఎంటర్టైనర్ గా పాగల్ తెరకెక్కుతుంది. పాగల్ షూటింగ్ దశలో ఉండగానే ఈ హీరో మరికొన్ని సినిమాలను సైలెంట్ గా లైన్ లో పెట్టినట్లు సమాచారం. ప్రస్తుతం పాగల్ సినిమా అయితే విడుదలకు సిద్ధం అవుతోంది. ఇదిలా ఉండగా.. తాజాగా విశ్వక్ న్యూ స్టైలిష్ ఫోటోస్ సోషల్ మీడియాలో వైరల్ అవుతున్నాయి.