ఫ్యామిలీ డ్రామా ఆద్యంతం ర‌క్తి క‌ట్టిస్తుంద‌ట‌

సూప‌ర్ స్టార్ మ‌హేష్ క‌థానాయ‌కుడిగా న‌టిస్తున్న తాజా చిత్రం స‌రిలేరు నీకెవ్వ‌రు. విజ‌య‌శాంతి కీల‌క పాత్ర‌ధారి. అనీల్ రావిపూడి ద‌ర్శ‌క‌త్వంలో అనీల్ సుంక‌ర‌- దిల్ రాజు నిర్మిస్తున్నారు. జ‌న‌వ‌రి 11న ఈ చిత్రం రిలీజ్ కానుంది. ఇప్ప‌టికే దేవీ శ్రీ సంగీతం అందించిన పాట‌లు ప్ర‌తి సోమ‌వారం ఫ్యాన్స్ కి ట్రీటిస్తున్నాయి. టీజ‌ర్.. లిరిక‌ల్ వీడియోలు.. పోస్ట‌ర్ల‌కు అభిమానుల నుంచి అద్భుత స్పంద‌న ద‌క్కుతోంది.

సంక్రాంతి రేస్ లో నువ్వా నేనా? అంటూ పోటీ ఇవ్వ‌బోతున్న చిత్ర‌మిది. ఇప్ప‌టికే టీమ్ ప్ర‌మోష‌న్స్ ఫుల్ స్వింగ్ లో ఉన్న సంగ‌తి తెలిసిందే. ప్ర‌స్తుతం మ‌హేష్ త‌న పాత్ర‌కు డ‌బ్బింగ్ చెబుతున్నారు. తాజా స‌మాచారం ప్ర‌కారం.. ఈ సినిమాలో ఫ్యామిలీ కంటెంట్ పీక్స్ లో ఉండ‌నుంద‌ని తెలుస్తోంది. ఇదో అంద‌మైన ఫ్యామిలీ డ్రామాతో తెర‌కెక్కిన చిత్రం. ప్రొఫెస‌ర్ భార‌తిగా విజ‌య‌శాంతి ఆహార్యం అద‌ర‌గొట్ట‌నుంది. ఇక విజ‌య‌శాంతి ఫ్యామిలీతో మ‌హేష్ బాండింగ్ చాలా అద్భుతంగా కుదిరింద‌ని.. ఫ్యామిలీ ఎమోష‌న్స్ కి సంబంధించిన స‌న్నివేశాలు మ‌హ‌దాద్భుతంగా పండాయ‌ని తెలుస్తోంది.

స‌రిలేరు చిత్రంలో.. సినిమా ఆద్యంతం అత్య‌ద్భుత‌మైన వినోదంతో పాటు ఫ్యామిలీ డ్రామా ర‌క్తి క‌ట్టించ‌నుంది. ఇక ఇందులో ప్ర‌కాష్ రాజ్ విల‌న్ న‌టిస్తుండ‌గా.. క‌ర్నూల్ బ్యాక్ డ్రాప్ లో భారీ యాక్ష‌న్ మైమ‌రిపించ‌నుంద‌ని తెలుస్తోంది. స‌రిలేరుకు సంబంధించి ఒక్కో అప్ డేట్ అంత‌కంత‌కు హీట్ పెంచేస్తున్నాయి. ఇక సంక్రాంతి రేస్ లో 100కోట్లు పైగా ప్రీబిజినెస్ జ‌రుపుకుని భారీ అంచ‌నాల‌తో వ‌స్తున్న ఈ సినిమా భారీ రేసులో ఎలాంటి హిట్ కొట్ట‌నుందో వేచి చూడాల్సిందే.