బుల్లి బెల్లంకొండకు ఐదుగురు నాయిక‌లా?

నిర్మాత బెల్లంకొండ సురేష్ చిన్న కుమారుడు గ‌ణేష్ ని టాలీవుడ్ లో లాంచ్ చేస్తోన్న సంగ‌తి తెలిసిందే. ప‌వ‌న్ సాధినేని ద‌ర్శ‌క‌త్వం వ‌హిస్తోన్న ఆ సినిమా ఇటీవ‌లే ప్రారంభ‌మైంది. రొమాంటిక్ లవ్ స్టోరీ నేప‌థ్యంతో తెర‌కెక్కిస్తున్నారు. క‌థ‌లో భాగంగా గ‌ణేష్ కి డిఫ‌రెంట్ ఏజెస్ లోని ల‌వ్ స్టోరీని తెర‌పై చూపించ‌నున్నారు. అన్న‌య్య సాయి శ్రీనివాస్ లా యాక్ష‌న్ హీరోలా కాకుండా ల‌వర్ బోయ్ గా టాలీవుడ్ కు ప‌రిచ‌యం కాబోతున్నాడు. ఈ నేప‌థ్యంలో హీరోయిన్లు లెక్క‌కు మించి ఉన్న‌ట్లే తెలుస్తోంది. క‌థ‌లో భాగంగా ఐదుగురు హీరోయిన్లు క‌నిపించ‌నున్నారుట‌. వాళ్లంతా పాత్ర‌ల‌ను బ‌ట్టి డిఫ‌రెంట్ ఏజ్ గ్రూప్ ల్లో మెప్పించ‌నున్నన్న‌ట్లు తెలుస్తోంది.

తాజాగా  అందులో ముగ్గురు  హీరోయిన్లు కూడా ఫైన‌ల్ అయ్యారు. తేజ ప‌రిచ‌యం చేసిన ద‌క్ష నాగ‌ర్క‌ర్, మ‌జిలీ ఫేమ్ చైల్డ్ ఆర్టిస్ట్ అన‌న్య అగ‌ర్వాల్..  మిస్ ఇండియా ఫైన‌లిస్ట్  న‌టాషా సింగ్ చౌహ‌న్ లు ఫైన‌ల్ చేసారు. మ‌రో ఇద్ద‌రు భామ‌ల్ని ఎంపిక చేయాల్సి ఉంది. అలాగే ఓ ప్ర‌త్యేక గీతం కోసం ఓ స్టార్ హీరోయిన్ ని బ‌రిలోకి దింపుతున్న‌ట్లు తెలిసింది. పూజాహెగ్దే- కియారా అద్వానీ పేర్లు వినిపిస్తున్నాయి. ఆ పేర్లు ఖ‌రారు కావాల్సి ఉంది. అంటే చిన్న బెల్లంకొండ ను భామామ‌ణులంతా తెరపై చుట్టు ముట్టడం ఖాయ‌మే.

ప‌వ‌న్ సాధినేని క‌థ‌లు సాప్ట్ గా ఉంటాయి. ఫైటింగులు గట్రా  ఉండ‌వు. కాన్సెప్ట్ న‌మ్ముకునే సినిమా చేస్తాడు. మ‌సాలా స‌న్నివేశాల‌కు పెద్ద‌గా  అవ‌కాశం ఉండ‌దు. అక్క‌డ‌క్క‌డా గ్లామ‌ర్ కోసం ట‌చ్ అప్ ఇచ్చే అవ‌కాశం ఉంది. అలాగే డాడ్ బెల్లంకొండ‌ సురేష్ చిన్నోడు విష‌యంలో మ‌రిన్ని జాగ్ర‌త్త‌లు తీసుకున్న‌ట్లు తెలుస్తోంది.  పెద్దోడు  శ్రీనివాస్ విష‌యంలో దొర్లిన త‌ప్పుల‌ను చిన్నోడు విష‌యంలో జ‌ర‌గ‌కూడ‌ద‌ని ప‌వ‌న్ కి  స్ట్రిక్టు గా  నిర్మాత బెల్లంకొండ ఆదేశాలిచ్చిన‌ట్లు స‌మాచారం.