టాలీవుడ్ లో చాలా కాలం తరువాత హీరో రాజశేఖర్ గరుడవేగ సినిమాతో మంచి హిట్ కొట్టాడని వార్తలు వచ్చిన సంగతి తెలిసిందే. సినిమాకు ముందు కూడా చిత్ర యూనిట్ ప్రమోషన్స్ ని భారీ స్థాయిలో నిర్వహించింది. సన్నీ లియోన్ తో స్పెషల్ సాంగ్ ని చేయించి ఓ వర్గం వారిని చాలా ఆకట్టుకుంది. అయితే కలెక్షన్స్ విషయానికి వస్తే సినిమా హిట్టా డిజాస్టర్ అనే విషయం ఈజీగా అర్ధం అయిపొయింది.
సినిమా గత ఏడాది నవంబర్ 3న రిలీజ్ అయిన సంగతి తెలిసిందే. అయితే సినిమాపై హైప్ పెరగడం వల్ల ఓ మోస్తరుగా మంచి ఓపెనింగ్స్ వచ్చాయి. టాక్ కూడా హిట్ అని వచ్చింది. కానీ వారం తరువాత కలెక్షన్స్ మెల్లగా తగ్గుతూ వచ్చాయి. ఇక ఫైనల్ గా ఇటీవల సినిమా క్లోజింగ్ కలెక్షన్స్ వెలువడ్డాయి. సినిమా కలెక్షన్స్ చూస్తే ఇంకా 32% రికవరీ చేయకుండానే సినిమా కలెక్షన్స్ క్లోజ్ అవ్వడం అందరికి షాక్ ఇచ్చింది.
సినిమా టోటల్ థ్రియేటికల్ రైట్స్ రూ.11 కోట్లకు అమ్ముడుపోయాయి. ఇక షేర్స్ విషయానికి వస్తే.. మొత్తంగా రూ.7.5 కోట్ల వరకు గరుడవేగ రాబట్టింది. సినిమా కేవలం 68% మాత్రమే రికవరీ చేసుకోగలిగింది. సినిమా బాగానే ఉంది అనే టాక్ వచ్చింది కానీ రెగ్యులర్ మాస్ ఆడియెన్స్ ఈ సినిమాను అంతగా పట్టించుకోలేదు అనే చెప్పాలి. ఈస్ట్ వెస్ట్ కృష్ణా గుంటూరు ఏరియాల్లో సినిమా కనీసం 50 లక్షల షేర్స్ ను అందుకోకపోవడం గమనార్హం.