శివ వెయ్యి సార్లు చూసిన డైరెక్టర్

దేశంలోనే టాప్ మోస్ట్ క్రియేటివ్ డైరెక్టర్లలో గౌతమ్ మీనన్ కు స్థానం ఉంటుంది. ఆయనతో సినిమా చేసేందుకు ఏ హీరో అయినా హీరోయిన్ అయినా ఎదురుచూస్తూ ఉంటారు. సహజంగా తన సినిమాల్లో క్యాస్టింగ్ ని రిపీట్ చేయడం ఈ దర్శకుడి స్టైల్ కాదు. కానీ అక్కినేని నాగ చైతన్యతో రెండో సినిమాగా సాహసం శ్వాసగా సాగిపో తీసేశాడీయన. మరి కొన్ని రోజుల్లోనే ఈ చిత్రం రిలీజ్ అయిపోనుంది కూడా. ఇప్పుడీ మూవీ ప్రమోషన్స్ లో భాగంగా నాగార్జునపై ఫీలింగ్స్ ని కూడా పంచుకున్నాడు గౌతమ్ మీనన్.

చైతుతో పని చేయడం అంటే కంఫర్టబుల్ కాబట్టే.. మళ్లీ చేస్తున్నట్లు చెప్పిన ఈయన.. నాగార్జునను ఈయన విలన్ గా చూపిస్తాడనే వార్తలు గతంలో వచ్చాయి. అయితే.. నాగార్జున గురించి తనకు తెలుసు అన్న గౌతమ్ మీనన్.. శివ మూవీని కొన్ని వేల సార్లు చూశానని అంటున్నాడు. 'నేను ఆయన వర్క్ కి పెద్ద ఫ్యాన్ ని. అసలు చై తో వర్క్ చేసే అవకాశం కూడా నాగ్ సార్ కారణంగానే వచ్చింది. నాకు వచ్చిన ప్రతీ ఆలోచన ఆయనతో పంచుకుంటాను. నాకు చైతు.. నాగ్ లను ఒకే సినిమాలో చూపించాలనే ఆలోచన ఉంది' అంటున్నాడు గౌతమ్ మీనన్.

చైతు సాహసం సంగతేమో కానీ.. ఈ మూవీ రిలీజ్ బాగా ఆలస్యమయిందన్న మాట వాస్తవం. షూటింగ్ ప్రారంభించిన డేట్ నుంచి మూడేళ్ల తర్వాత అదే రోజు నవంబర్ 11న విడుదల అవుతోంది. లేటుగా వస్తున్నా మూవీ ప్రమోషన్స్ విషయంలో మాత్రం గౌతమ్ మీనన్ లోటు చేయడం లేదు. ఇదే సమయంలో.. అక్కినేని నాగార్జునపై తనకున్న ఫీలింగ్స్ ను దాచుకోవడానికి కూడా ప్రయత్నించకపోవడం విశేషం.

Like Us on Facebook : https://www.facebook.com/Tupakidotcom/