'ఘోస్టీ' టీజ‌ర్ : ఆస‌క్తిక‌ర‌మైన హార‌ర్ కామెడీ థ్రిల్ల‌ర్!

కాజ‌ల్ అగ‌ర్వాల్ సినిమాల్లో క‌నిపించి చాలా కాల‌మే అవుతోంది. తెలుగులో 'మోస‌గాళ్లు' మూవీతో ప్రేక్ష‌కుల‌ ముందుకొచ్చిన కాజ‌ల్ అగ‌ర్వాల్ ఆ త‌రువాత దుల్క‌ర్ సల్మాన్ తో బృదం రూపొందించిన‌ప రొమాంటిక్ ల‌వ్ స్టోరీ'హే సినామిక‌'తో ప్రేక్ష‌కుల ముందుకొచ్చింది. మెగాస్టార్ 'ఆచార్య‌'లో న‌టించే అవ‌కాశాన్నిద‌క్కించుకున్నా చివ‌రి నిమిషంలో కాజ‌ల్ ని త‌ప్పించేసిన షాకిచ్చిన విష‌యం తెలిసిందే. ఇటీవ‌ల త‌న చిర‌కాల మిత్రుడు గౌత‌మ్ కిట్లూని వివాహం చేపుకున్న కాజ‌ల్ పండంటి బాబుకు జ‌న్మ‌నిచ్చింది.

అప్ప‌టి నుంచి వైవాహిక జీవితాన్ని ఆస్వాదిస్తున్న కాజ‌ల్ అగ‌ర్వాల్ ప్ర‌స్తుతం బ్యాక్ టు బ్యాక్ నాలుగు ప్రాజెక్ట్ ల‌లో న‌టిస్తోంది. బాలీవుడ్ లో ఒక సినిమాతో పాటు త‌మిళంలో మూడు చిత్రాల్లో న‌టిస్తోంది. అందులో ఒకటి యూనివ‌ర్స‌ల్ స్టార్ క‌మ‌ల్ హాసన్ తో శంక‌ర్ తెర‌కెక్కిస్తున్న 'ఇండియ‌న్ 2'. ఈ మూవీ ప్ర‌స్తుతం చిత్రీక‌ర‌ణ ద‌శ‌లో వుంది. ఇదిలా వుంటే ఈ మూవీతో పాటు కాజ‌ల్ 'ఘోస్టీ' పేరుతో హార‌ర్ థ్రిల్ల‌ర్ మూవీలో న‌టిస్తోంది.

గ‌త కొంత కాలంగా ఫ్యామిలీకే కేటాయించిన కాజ‌ల్ ప్ర‌స్తుతం కెరీర్ పై దృష్టిపెట్టింది. సీడ్ పిక్చ‌ర్స్ బ్యాన‌ర్ పై కాజల్ న‌టిస్తున్న మూవీ 'ఘోస్టీ'. గులేబ‌కావ‌లి, జాక్ పాట్ చిత్రాల ద‌ర్శ‌కుడు క‌ల్యాణ్ ఈ మూవీ ని తెర‌కెక్కిస్తున్నాడు. ఈ మూవీ టీజ‌ర్ ని సోమ‌వారం విడుద‌ల చేశారు. త‌మిళంలో రూపొందిన ఈ మూవీని తెలుగులోనూ రిలీజ్ చేమ‌బోతున్నారు. ఇందులో పోలీస్ ఆఫీస‌ర్ గా, సినిమా హీరోయిన్ గా రెండు పాత్ర‌ల్లోనూ కాజ‌ల్ అగ‌క‌ర్వాల్ క‌నిపించ‌బోతోంది. యోగిబాబాబు, ద‌ర్శ‌కుడు కె. ఎస్‌. ర‌వికుమార్ కీల‌క పాత్ర‌ల్లో న‌టిస్తున్నారు.

పోలీస్ ఆఫీస‌ర్ ని వెంటాడుతున్న ద‌య్యం చివ‌రికి ఏం చేసింది?  స‌గం కాలి బొమ్మ‌కు కాజ‌ల్ లైఫ్ కు వున్న సంబంధం ఏంటి?  దాని వ‌ల్ల తాను ఎలాంటి ఇబ్బందుల్ని ఎద‌ర్కొంది. అన్న‌దే ఈ చిత్ర క‌థ‌. ఒక పాత్ర‌లో పవ‌ర్ ఫుల్ పోలీస్ ఆఫీస‌ర్ గా మ‌రో పాత్ర‌లో గ్లామ‌రస్ గా కనిపించి కాజ‌ల్ అగ‌ర్వాల్ ఆక‌ట్టుకుంది.

మోగిబాబు, కె.ఎస్‌. ర‌వికుమార్‌, రెడిన్ కింగ్స్ లే, రాధిక‌, మనో బాల‌, మొట్టా రాజేంద్ర‌న్ కీల‌క పాత్ర‌ల్లో న‌టించారు. టీజ‌ర్ ఆస‌క్తిక‌రంగా వుంది. త్వ‌ర‌లోనే ఈ మూవీ రిలీజ్ ని ఫైన‌ల్ చేయ‌బోతున్నారు. కామెడీ ప్ర‌ధానంగా సాగే హార‌ర్ థ్రిల్ల‌ర్ క‌థ‌తో కాజ‌ల్ అగర్వాల్ ప్రేక్ష‌కుల్ని ఏ స్థాయిలో ఆక‌ట్టుకుంటెందో వేచి చూడాల్సిందే.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.Full View