పవన్ ఫ్యాన్స్ కు గుడ్ న్యూస్ థియేటర్లలో 'వకీల్ సాబ్' ట్రైలర్..?

పవర్ స్టార్ పవన్ కళ్యాణ్ రీ ఎంట్రీ మూవీ 'వకీల్ సాబ్' ఏప్రిల్ 9న ప్రేక్షకుల ముందుకు రానుంది. గత సమ్మర్ లోనే పవన్ ని సిల్వర్ స్క్రీన్ పై చూడాలని ఆశ పడిన ఫ్యాన్స్ కు కరోనా నిరాశ ఎదురయ్యేలా చేసింది. అప్పటి నుంచి పవన్ సినిమా అప్డేట్స్ తో ఖుషీ అవుతూ వచ్చిన అభిమానులు.. మరికొన్ని రోజుల్లో ఆయన్ని తెరపై చూడబోతున్నారు. మ్యూజిక్ ఫెస్ట్ అంటూ పాటలతో సందడి చేస్తున్న చిత్ర యూనిట్ మార్చి 29న ట్రైలర్ రిలీజ్ చేయడానికి సన్నాహాలు చేస్తున్నారని సమాచారం.

'వకీల్ సాబ్' ట్రైలర్ తో సినిమాపై మరింత బజ్ క్రియేట్ చేయాలని ప్లాన్ చేసుకున్న మేకర్స్.. మార్చి 29న ఈ ట్రైలర్ ను ముందుగా థియేటర్లలో రిలీజ్ చేయాలని అనుకుంటున్నారట. ఆ రోజు సాయంత్రం 5:30కి థియేటర్స్ లో విడుదల చేసి, అదే రోజు 6:30 గంటలకు యూట్యూబ్ లో రిలీజ్ చేయనున్నట్లు టాక్ నడుస్తోంది. అలానే ప్రీ రిలీజ్ ఈవెంట్ ఏప్రిల్ 1 లేదా 2వ తేదీలలో జరగనున్నట్లు సమాచారం.

కాగా, బాలీవుడ్ 'పింక్' చిత్రానికి రీమేక్‌ గా వస్తున్న 'వకీల్ సాబ్' కు శ్రీరామ్ వేణు ద‌ర్శ‌క‌త్వం వహిస్తున్నారు. బోనీ క‌పూర్ స‌మ‌ర్ప‌ణ‌లో శ్రీ వెంక‌టేశ్వ‌ర క్రియేష‌న్స్‌ - బే వ్యూ ప్రాజెక్ట్స్ ప‌తాకాల‌పై దిల్‌ రాజు - శిరీష్ ఈ చిత్రాన్ని నిర్మిస్తున్నారు. థమన్ సంగీతం సమకూరుస్తున్నారు. ఇందులో శృతి హాస‌న్ హీరోయిన్ గా న‌టించ‌గా.. అంజలి - నివేద థామస్ - అనన్య నాగెళ్ల ఇతర కీలక పాత్రల్లో నటించారు.