వీరుతో దూసుకెళ్లేందుకు గోపీ రెడీ

మాస్ హీరోగా ఒకప్పుడు తిరుగులేని ఇమేజ్ సంపాదించుకున్న గోపీచంద్.. ప్రస్తుతం బాగా వెనకబడ్డాడు. సినిమాలను రిలీజ్ వరకు తీసుకురావడం కూడా కష్టమవుతున్న పరిస్థితి కనిపిస్తోంది. అయితే.. మాస్ లో మంచి క్రేజ్ ఉండడంతో.. ఈ హీరోకు సరైన సినిమా ఒక్కటి తగిలితే చాలు.. తిరిగి ఫామ్ లోకి వచ్చేయడం ఖాయం. అందుకోసం మంచి డైరక్టర్లను.. మంచి కథలను ఎన్నుకోవాలంతే.

ఈ ఏడాది గౌతమ్ నంద.. ఆక్సిజన్ అంటూ రెండు సినిమాలతో ఎదురుదెబ్బలు తిన్న గోపీచంద్.. ఇకపై అలర్ట్ గా ఉండాలని ఫిక్స్ అయ్యాడు. తనను జనాలు మెచ్చే జోనర్ లోనే మూవీస్ చేయాలని భావిస్తున్న ఈ హీరో.. ఇప్పుడు దర్శకుడు వీరు పోట్లకు గ్రీన్ సిగ్నల్ ఇచ్చినట్లుగా తెలుస్తోంది. బిందాస్.. రగడ.. దూసుకెళ్తా వంటి యాక్షన్ ప్లస్ కామెడీ సినిమాలు చేసిన ఈ దర్శకుడు.. గోపీచంద్ కు తాజాగా ఓ స్టోరీ లైన్ వినిపించాడట. ఇది నచ్చడంతో పాటు.. తన బాడీ లాంగ్వేజ్ కు పర్ఫెక్ట్ గా సూట్ అవుతుందని ఫిక్స్ అయిన గోపీచంద్.. కథను మరింతగా డెవలప్ చేయాల్సిందిగా సూచించినట్లు తెలుస్తోంది.

ప్రస్తుతం బౌండ్ స్క్రిప్ట్ ప్రిపేర్ చేసే పనిలో ఉన్నాడు వీరు పోట్ల. వచ్చే ఏడాది ద్వితీయార్థంలో ఈ ప్రాజెక్టు పట్టాలెక్కే అవకాశాలు ఉన్నట్లు తెలుస్తోంది. ఈలోగా మరో రెండు కథలను లైన్ లో పెట్టాలని చూస్తున్నాడట గోపీచంద్. ఏదేమైనా కూడా 2017 అస్సలు కలసిరాలేదు కాబట్టి.. 2018లో అయినా గోపి పుంజుకుంటాడని అతగాడి ఫ్యాన్స్ కూడా ఆశిస్తున్నారు. చూద్దాం ఏమవుతుందో!!