టాలీవుడ్ యాక్షన్ హీరో గోపీచంద్ - మిల్కీ బ్యూటీ తమన్నా భాటియా కలిసి నటించిన లేటెస్ట్ స్పోర్ట్స్‌ డ్రామా ''సీటీమార్''. డైరెక్టర్ సంపత్‌ నంది తెరకెక్కిస్తోన్న ఈ చిత్రంలో భూమిక - దిగంగనా సూర్యవంశీ కీలక పాత్రలు పోషించారు. ఏప్రిల్ 2న విడుదల కావాల్సిన ఈ చిత్రాన్ని వాయిదా వేసుకుంటూ వచ్చి, ఫైనల్ గా సెప్టెంబర్ 3న థియేటర్లలోకి తీసుకురానున్నట్లు ప్రకటించారు. అయితే మూడు రోజులు తిరక్కుండానే మళ్ళీ ఈ సినిమా రిలీజ్ డేట్ ని మార్చారు.
కబడ్డీ ఆట బ్యాక్ డ్రాప్ లో రూపొందిన 'సీటీమార్' చిత్రాన్ని వినాయక చవితి సంధర్భంగా సెప్టెంబర్ 10న వరల్డ్ వైడ్ గా రిలీజ్ చేయనున్నట్లు మేకర్స్ ప్రకటించారు. ఉన్నట్టుండి ఈ నిర్ణయం తీసుకోడానికి కారణం 'లవ్ స్టోరీ' సినిమాని పోస్ట్ పోన్ చేయాలని అనుకోవడమే అని తెలుస్తోంది. నాగచైతన్య - శేఖర్ కమ్ముల కాంబోలో వచ్చిన లవ్ స్టోరీని వచ్చే నెల 10న విడుదల చేయాలని అనుకున్నారు. కానీ ఇప్పుడు మరికొన్ని రోజులు ఈ చిత్రాన్ని వాయిదా వేయనున్నారని టాక్ వినిపిస్తోంది.
ఈ నేపథ్యంలో గణేష్ చతుర్ధశి స్లాట్ ఖాళీగా ఉండటంతో గోపీచంద్ 'సీటీమార్' చిత్రాన్ని తీసుకొస్తున్నారని సమాచారం. అదే రోజున కంగనా రనౌత్ 'తలైవి' థియేట్రికల్ రిలీజ్ అవుతుండగా.. నాని 'టక్ జగదీష్' ఓటీటీలో విడుదల అవుతోంది. వీటిని తట్టుకొని సీటీమార్ ఎలాంటి సక్సెస్ అందుకుంటుందో చూడాలి. కాగా, ఈ చిత్రంలో ఆంధ్రా మహిళల కబడ్డీ జట్టు కోచ్‌ పాత్రలో గోపీచంద్ నటిస్తున్నారు. తెలంగాణ మహిళల కబడ్డీ కోచ్‌ జ్వాలా రెడ్డి పాత్రలో తమన్నా కనిపించనుంది.
పవన్ కుమార్ సమర్పణలో శ్రీనివాస సిల్వర్ స్క్రీన్ బ్యానర్ పై చిట్టూరి శ్రీనివాసరావు 'సీటీమార్' చిత్రాన్ని నిర్మిస్తున్నారు. మెలోడీ బ్రహ్మ మణిశర్మ సంగీతం సమకూరుస్తున్నారు. సుందర్ రాజన్ సినిమాటోగ్రఫీ అందిస్తున్నారు. ఇందులో రెహమాన్ - రావు రమేష్ - తరుణ్ అరోరా - పోసాని కృష్ణ మురళి తదితరులు ఇతర పాత్రలు పోషించారు. ఇక ఈ చిత్రం నుంచి ఇప్పటికే విడుదలైన ప్రచార చిత్రాలు - సాంగ్స్ మంచి స్పందన తెచ్చుకున్నాయి.
కబడ్డీ ఆట బ్యాక్ డ్రాప్ లో రూపొందిన 'సీటీమార్' చిత్రాన్ని వినాయక చవితి సంధర్భంగా సెప్టెంబర్ 10న వరల్డ్ వైడ్ గా రిలీజ్ చేయనున్నట్లు మేకర్స్ ప్రకటించారు. ఉన్నట్టుండి ఈ నిర్ణయం తీసుకోడానికి కారణం 'లవ్ స్టోరీ' సినిమాని పోస్ట్ పోన్ చేయాలని అనుకోవడమే అని తెలుస్తోంది. నాగచైతన్య - శేఖర్ కమ్ముల కాంబోలో వచ్చిన లవ్ స్టోరీని వచ్చే నెల 10న విడుదల చేయాలని అనుకున్నారు. కానీ ఇప్పుడు మరికొన్ని రోజులు ఈ చిత్రాన్ని వాయిదా వేయనున్నారని టాక్ వినిపిస్తోంది.
ఈ నేపథ్యంలో గణేష్ చతుర్ధశి స్లాట్ ఖాళీగా ఉండటంతో గోపీచంద్ 'సీటీమార్' చిత్రాన్ని తీసుకొస్తున్నారని సమాచారం. అదే రోజున కంగనా రనౌత్ 'తలైవి' థియేట్రికల్ రిలీజ్ అవుతుండగా.. నాని 'టక్ జగదీష్' ఓటీటీలో విడుదల అవుతోంది. వీటిని తట్టుకొని సీటీమార్ ఎలాంటి సక్సెస్ అందుకుంటుందో చూడాలి. కాగా, ఈ చిత్రంలో ఆంధ్రా మహిళల కబడ్డీ జట్టు కోచ్‌ పాత్రలో గోపీచంద్ నటిస్తున్నారు. తెలంగాణ మహిళల కబడ్డీ కోచ్‌ జ్వాలా రెడ్డి పాత్రలో తమన్నా కనిపించనుంది.
పవన్ కుమార్ సమర్పణలో శ్రీనివాస సిల్వర్ స్క్రీన్ బ్యానర్ పై చిట్టూరి శ్రీనివాసరావు 'సీటీమార్' చిత్రాన్ని నిర్మిస్తున్నారు. మెలోడీ బ్రహ్మ మణిశర్మ సంగీతం సమకూరుస్తున్నారు. సుందర్ రాజన్ సినిమాటోగ్రఫీ అందిస్తున్నారు. ఇందులో రెహమాన్ - రావు రమేష్ - తరుణ్ అరోరా - పోసాని కృష్ణ మురళి తదితరులు ఇతర పాత్రలు పోషించారు. ఇక ఈ చిత్రం నుంచి ఇప్పటికే విడుదలైన ప్రచార చిత్రాలు - సాంగ్స్ మంచి స్పందన తెచ్చుకున్నాయి.