దేవి జోడి కుదిరేనా ?

నిన్న నూతన సంవత్సర సందర్భంగా కొత్త సినిమా ప్రకటించేసిన అల్లు అర్జున్ అభిమానులు కోరుకున్న రిలీఫ్ ఇచ్చేసాడు. షూటింగ్ ఎప్పుడు స్టార్ట్ అవుతుంది అనే ఖచ్చితమైన వివరం లేకపోయినా త్వరలో అనే క్లారిటీ వచ్చేసింది కాబట్టి ఇంకే దిగులు అక్కర్లేదు. కాకపోతే టీమ్ ముందు మాత్రం కొన్ని సవాళ్లు కనిపిస్తున్నాయి. ,ముఖ్యంగా సంగీత దర్శకుడు ఎవరా అనే ప్రశ్న అప్పుడే ఉత్సుకత రేపుతోంది. అజ్ఞాతవాసి తర్వాత అనిరుద్ రవిచందర్ తో మరో సినిమా చేస్తానని ప్రకటించిన త్రివిక్రమ్ ఆ తర్వాత అరవింద సమేత వీర రాఘవకు జూనియర్ ఎన్టీఆర్ మాట మీద తమన్ తో చేయించుకున్నాడు.

పక్కా రాయలసీమ యాసలో రూపొందే మూవీకి తమిళుడైన అరవింద్ పూర్తి న్యాయం చేయలేడనే ఉద్దేశంతోనో మరో కారణంతోనో మొత్తానికి డ్రాప్ అయ్యారు. అయితే ఇప్పుడు అల్లు అర్జున్ సినిమాతోనైనా అనిరుద్ ని మళ్ళి తెస్తారా అనే సందేహం తలెత్తడం సహజం. అయితే అల్లు అర్జున్ మనసులో దేవిశ్రీప్రసాద్ ఉన్నాడని సన్నిహితుల మాట. గతంలో ఈ ముగ్గురి కాంబోలో వచ్చిన జులాయి-సన్ అఫ్ సత్యమూర్తి రెండూ మ్యూజికల్ గా కూడా పెద్ద హిట్స్.

ఈ నేపథ్యంలో బన్నీ సైతం రిస్క్ చేసి అనిరుద్ వైపు మొగ్గు చూపుతాడని చెప్పలేం. పైగా పైకి కారణాలు చెప్పలేదు కానీ దేవితో టై అప్ కావడం త్రివిక్రమ్ అఆతోనే ఆపేసాడు. అది మిక్కీ కె మేయర్ అందుకున్నాడు. తర్వాత అనిరుద్ తమన్ లు  మిగిలిన రెండు సినిమాలకు కొనసాగించారు. మరి ఇప్పుడు బన్నీకి ఎవరు ఫిక్స్ అవుతారు అనేది ప్రస్తుతానికి భేతాళ ప్రశ్నే.