కుమారి 21F తో మంచి గుర్తింపు తెచ్చుకున్న హెబ్బా పటేల్ ఎలాంటి క్రేజ్ అందుకుందో అందరం చూశాం. ఆమె నటనకు కుర్రకారు ఫిదా అయిపోయారు. ఆమెకు దక్కిన ఆదరణను చూసి ప్రతి ఒక్కరు స్టార్ హీరోయిన్ అయిపోతుందని అనుకున్నారు. ముఖ్యంగా సౌత్ లో స్టార్ హీరోయిన్స్ కి పోటీ ఇవ్వడానికి కొత్త హీరోయిన్ దిగిందని సోషల్ మీడియాలో చాలా కామెంట్స్ వినిపించాయి. కానీ ఆమె బ్యాడ్ లక్ ఏమిటో గాని ఆ ఒక్క సినిమా తప్పితే మరో సినిమాతో విజయం అందుకోలేదు.
ఈడో రకం ఆడో రకం - ఎక్కడికి పోతావు చిన్నవాడా అనే డిఫెరెంట్ సినిమాలతో క్రేజ్ వచ్చినట్టే వచ్చి మళ్లీ మిస్ అయ్యింది. అలాగే మిస్టర్ సినిమాలో వరుణ్ తో నటించే అవకాశం అందినా ఆ సినిమా డిజాస్టర్ హెబ్బా కెరీర్ ని దెబ్బ తీసింది. ఏ మాత్రం ఆలోచించకుండా చిన్న హీరోలతో కూడా యాక్ట్ చేసిన హెబ్బా ఆ సినిమాల రిజల్ట్ తో కూడా నిరాశ చెందింది. ఏంజెల్ వంటి సినిమాలో ఆమె కెరీర్ కు మైనస్సే కాని ప్లస్సు కాలేకపోయాయ్. దీంతో అమ్మడు కోలీవుడ్ లో ఓ సినిమాతో అదృష్టం పరీక్షించుకున్నప్పటికీ క్లిక్ అవ్వలేదు.
మొత్తంగా హెబ్బా పటేల్ చేతిలో ప్రస్తుతానికి పెద్దగా ఆఫర్స్ ఏమి లేవు. కన్నడలో అవకాశం వచ్చినట్లు టాక్ వస్తున్నప్పటికీ అది ఎంతవరకు నిజమో తెలియదు. అలాగే కోలీవుడ్ లో కొంచెం స్టార్ డమ్ ఉన్న యువ హీరోలతో ఛాన్స్ వచ్చిందని టాక్ వచ్చినా ఇంకా అధికారికంగా ఎలాంటి న్యూస్ లేదు. మొత్తంగా కుమారి హెబ్బా ఫెడవుట్ అయినట్టే అనే కామెంట్స్ వస్తున్నాయి. మరి అమ్మడు ఈ పరిస్థితుల్లో ఎలా రికవర్ అవుతుందో చూడాలి.