ప్రమాదకరమైన రోడ్డులో రామ్‌ - రాశీ

రామ్... పండ‌గ చేస్కో సినిమాతో హిట్ కొట్టాడు. ఇక వెంట వెంట‌నే బ్లాక్‌ బ‌స్ట‌ర్ హిట్స్ కొట్ట‌డ‌మే ధ్యేయం గా ప్ర‌ణాళిక‌లు ర‌చిస్తున్నాడు. ప్ర‌స్తుతం శ్రీ‌నివాస‌ రెడ్డి ద‌ర్శ‌క‌త్వం లో శివం చిత్రంలో న‌టిస్తున్నాడు. ఈ సినిమా లో రామ్ స‌ర‌స‌న రాశీ ఖ‌న్నా క‌థానాయిక‌. చాక్లెట్‌ బోయ్ లాంటి కుర్రాడి కి జాంపండు లాంటి సుంద‌రి తో రొమాన్స్ .. ఎలా ఉంటుందో అన్న ఆస‌క్తి అంద‌రి లోనూ మొద‌లైంది. ఇదిగో ఇక్క‌డ క‌నిపిస్తున్న ఈ ఫోజు చూస్తుంటే ఈ జంట మ‌ధ్య రొమాన్స్ పీక్స్‌ లో ఉంద‌నే అర్థ‌మ‌వుతోంది.

చాకులాంటి కుర్రాడు .. చుర‌క‌త్తి లాంటి అమ్మాయి ఈ ఇద్ద‌రూ నిశ్శ‌బ్ధంగా సుదూర తీరానికి వెళ్లిపోయి ఏవో గుస‌గుస‌లు మాట్లాడేసు కుంటున్న‌ట్టు, ఆ ముహంలో చిరున‌వ్వులు చిందిస్తున్న తీరు చూస్తుంటే ఇంకేదో ప‌ర‌వ‌శంలో ఉన్న‌ట్టు అనిపించ‌డం లేదూ?  రాశీ ఫ్రీ స్ట‌యిల్ సిట్టింగ్ మూవ్‌ మెంట్‌ని కెమెరా క‌న్ను బాగానే కాప్చుర్ చేసింది. య‌వ్వ‌నం లో ఉన్న కుర్రాడి ముందు ఓ అంద‌మైన అమ్మాయి అలా కూచుని క‌వ్విస్తుంటే ప‌రిస్థితి అదుపు త‌ప్ప‌కుండా ఉంటుందా? ఏమో ? ఏం జ‌ర‌గ‌డానికైనా ఆస్కారం ఉంది.

రామ్‌ లోని ఎన‌ర్జీకి, రాశీలోని వొగ‌రు జోడించి శ్రీ‌నివాస్‌ రెడ్డి ఏదో మ్యాజిక్ చేస్తున్నాడ‌ నే అర్థ‌మ‌వుతోంది. ప్ర‌పంచం లోనే అత్యంత ప్ర‌మాద‌క‌ర‌మైన రోడ్, నార్వే దేశంలోని అట్లాంటిక్ ఓషన్‌ రోడ్డు లో ఈ జంట‌పై ఓ పాట‌ను చిత్రీక‌రించారు. దాదాపు 8 కిలోమీట‌ర్ల పొడ‌వున ఉండే ఈ రోడ్డు మీదికి స‌ముద్ర‌పు అల‌లు విసిరికొడుతుంటాయి. బారికేడ్ల‌ను తోసుకుని చొచ్చుకుని వ‌చ్చేస్తుంటాయి. అలాంటి చోట ఈ క్యూట్ పెయిర్‌ తో కొరియోగ్రాఫ‌ర్ భ‌లే సాహ‌సాలు చేశారు మ‌రి.

Click Here For The Photos : http://goo.gl/ohdfxn