సెమీ న్యూడ్ ఫోటో తో న‌టి బెంబేలు

సోష‌ల్ మీడియా వింత పోకడ తెలిసిందే. ఇక్క‌డ ప‌బ్లిసిటీ ఎంత సులువో ముప్పు అంతే గుట్టుగా పొంచి ఉంటుంది. ఇటీవ‌లి కాలంలో ఫేక్ ఐడీల‌తో నానా ర‌చ్చ చేసే గ్యాంగ్ లు పుట్టుకు రావ‌డంతో అది ఎన్నో ప‌ర్య‌వ‌సానాల‌కు తెర‌తీస్తోంది. దారుణాతి దారుణాలు చోటు చేసుకుంటున్నాయి. ఏదో ఒక పాపుల‌ర్  సెల‌బ్రిటీ పేరును వాడుకుని ఐడీ క్రియేట్ చేయ‌డం అక్క‌డ న‌గ్న ఫోటోలు షేర్ చేయ‌డం.. వాటితో సంపాదనా మార్గం వెతక‌డం.. ఇలాంటి ఫేక్ బాబుల‌కు కొద‌వేమీ లేదు. సెల‌బ్రిటీల క్రేజును క్యాష్ చేసుకోవ‌డం అసాంఘీక కార్య‌క‌లాపాల‌కు పాల్ప‌డ‌డం ఈ ఫేక్ ఐడీల ఉద్ధేశం. ఇలాంటి ఫేక్ పై ఇప్పుడు సైబ‌ర్ యుద్ధం జ‌రుగుతోంది. సాంకేతిక‌త పెనుపోక‌డ‌ల‌పై ఇప్ప‌టికే సైబ‌ర్ క్రైమ్ పోలీసుల‌కు బోలెడంత ఆప‌రేష‌న్ త‌ల‌పెడుతున్నారు.

ఇంత‌కుముందు ప‌లువురు న‌టీమ‌ణుల న్యూడ్ ఫోటోలు .. ఫేక్ వీడియోలు రిలీజై అవి కాస్తా నెటిజ‌నుల్లో వైర‌ల్ అయ్యాయి. అవి నిజ‌మేన‌ని న‌మ్మేసిన అమాయ‌క జ‌నం ఉన్నారు. అయితే అవ‌న్నీ ఫేక్ ఐడీల నుంచి వైర‌ల్ అయిన‌వి అన్న‌ది తెలిసింది కొంద‌రికే. ఇక స్టార్ హీరోయిన్.. స్టార్ హీరో రేంజు వారికి సొంతంగా కొన్ని ఐడీలు ఉంటాయి. అవి అభిమానులు గుర్తు ప‌ట్టేలా ఉంటాయి. అయితే న‌వ‌త‌రం నాయిక‌ల‌కు .. న‌టీమ‌ణుల‌కు ఇలాంటివి ఉండ‌క‌పోవ‌చ్చు. ఇక్క‌డ బుక్క‌య్యేది అలాంటి న‌టీన‌టులే.

జోక‌ర్ ఫేం త‌మిళ న‌టి రమ్య పాండ్యన్ ఫేక్ బారిన ప‌డింది. త‌న పేరుతో ఫేక్ ఐడీ సృష్టించిన ఆకతాయిలు హద్దు మీరి నగ్న ఫోటోని షేర్ చేశారు. బ్యాక్ ఫోజులో సెమీ న్యూడ్ ఫోటో వైర‌ల్ గా మారింది. ఇది రమ్య పాండ్యన్ అకౌంట్ నుంచి షేర్ చేయడంతో అది కాస్తా జెట్ స్పీడ్ తో వాట్సాపుల్లోనూ వైర‌ల్ అయ్యింది. అయితే అది కాస్తా ర‌మ్య‌కు తెలిసేస‌రికి అప్ప‌టికే వైర‌ల్ అయిపోయింది. దీంతో ల‌బోదిబోమ‌న్న స‌ద‌రు న‌టి సైబ‌ర్ క్రైమ్ కు ఫిర్యాదు చేసేందుకు రెడీ అవుతోంది. అలాగే త‌న ఒరిజిన‌ల్ ఐడీల్ని కూడా అభిమానుల‌కు తెలియ‌జేసింది ఈ బ్యూటీ.