రిలీజ్ ఆపేసేందుకు హీరోయిన్ ప్రయత్నం?

ఓ సినిమా రిలీజ్ ఆగిపోతే.. అది ఎలాగోలా విడుదల అయేందుకు చాలామంది హీరో హీరోయిన్లు సహకరిస్తుంటారు. మూవీపై నమ్మకం ఉంటే కనుక ఒక్కోసారి డబ్బు సాయం చేసి మరీ థియేటర్లలోకి వచ్చేందుకు సాయం చేస్తుంటారు. కానీ ఓ హీరోయిన్ మాత్రం తను నటించిన సినిమా ఆపేసేందుకు విశ్వప్రయత్నాలు చేస్తోందట.

ప్రస్తుతం తెలుగు-తమిళ భాషల్లో స్టార్ హీరోయిన్ స్టేటస్ అనుభవిస్తున్న ఓ హీరోయిన్.. ఇలా ఓ మూవీ ఆపేసేందుకు ప్రయత్నాలు సాగిస్తోందని తెలుస్తోంది. కెరీర్ మొదట్లో తనకు అంతగా డిమాండ్ లేనపుడు ఈ మూవీని అంగీకరించిందట. ఇంకా ఈ మూవీకి సంబంధించి కొంత వర్క్ చేయాల్సి ఉండగా.. తన పోర్షన్ ను పూర్తి చేసేందుకు ససేమిరా అంటున్న ఆ భామ.. అసలు సినిమా రిలీజ్ కాకుండా ఆగిపోయేందుకు ట్రై చేస్తోందట. అవసరమైతే ఆ నిర్మాత పెట్టిన మొత్తం ఖర్చును.. వడ్డీతో సహా కట్టేస్తానని ఆఫర్ కూడా ఇస్తుండడం విశేషం. తనకు డిమాండ్ లేనపుడు చేసిన బోల్డ్ సీన్లు బోలెడన్ని ఆ మూవీలో ఉంటాయట.

స్టార్ హీరోయిన్ ని ఇలా చూపించే క్యాష్ చేసుకోవాలన్నది ఆ నిర్మాత ప్రయత్నం. ఇది తన స్టేటస్ కు భంగం కలిగించే మూవీ అని భావించిన ఆ హీరోయిన్.. రిలీజ్ చేయకుండా ఆపేసేందుకు తెగ ప్రయత్నాలు చేస్తోందట. స్టార్ స్టేటస్ వచ్చాక హీరోయిన్లకు ఎన్ని కష్టాలో కదా!

Like Us on Facebook : https://www.facebook.com/Tupakidotcom/