'RRR' క్లైమాక్స్ కోసం జక్కన్నతో కలిసిన హాలీవుడ్ డైరెక్టర్..!

దర్శకధీరుడు రాజమౌళి ప్రతిష్టాత్మకంగా తెరకెక్కిస్తున్న భారీ మల్టీస్టారర్ ''ఆర్‌.ఆర్‌.ఆర్‌''. యంగ్ టైగర్ ఎన్టీఆర్‌ - మెగా పవర్ స్టార్ రామ్‌ చరణ్‌ కలసి నటిస్తున్న ఈ చిత్రాన్ని దసరా కానుకగా అక్టోబర్ 13న విడుదల చేయనున్నారు. ఈ నేపథ్యంలో ప్రస్తుతం ఈ సినిమా షూటింగ్ శరవేగంగా జరుగుతోంది. ఈ మధ్య రెగ్యులర్ గా షూటింగ్ అప్డేట్స్ ఇస్తున్న రాజమౌళి అండ్ టీమ్.. తాజాగా ట్రిపుల్ ఆర్ క్లైమాక్స్ కి సంబంధించిన ఓ విషయాన్ని సోషల్ మీడియా వేదికగా వెల్లడించింది. ప్రఖ్యాత హాలీవుడ్‌ యాక్షన్ డైరెక్టర్‌ నిక్‌ పావెల్‌ క్లైమాక్స్ కోసం 'ఆర్.ఆర్.ఆర్' టీమ్ లో జాయిన్ అయ్యారని పేర్కొన్నారు.

''ఆర్.ఆర్. ఆర్ క్లైమాక్స్‌ షూట్ గురించి అప్డేట్‌ రావడం లేదని ఆలోచిస్తున్న వారి కోసం.. క్లైమాక్స్‌ కోసం ప్రఖ్యాత హాలీవుడ్‌ యాక్షన్ డైరెక్టర్‌ నిక్‌ పావెల్‌ సెట్స్ లో అడుగుపెట్టేశారు'' అని ఆర్.ఆర్.ఆర్ టీమ్ ట్విటర్‌ లో 'RRR డైరీస్‌' పేరుతో ఓ వీడియో షేర్ చేసింది. ఇందులో లాప్ టాప్ ముందు కూర్చొని రాజమౌళి - నిక్ పావెల్ క్లైమాక్స్ సీన్ గురించి డిస్కష్ చేసుకుంటున్నారు. అలానే నిక్ రోప్స్ కట్టి క్లైమాక్స్ కోసం సన్నాహాలు చేస్తున్నట్లు కనిపిస్తోంది. మొత్తం మీద జక్కన్న క్లైమాక్స్ సన్నివేశాలను ఓ రేంజ్ లో ప్లాన్ చేస్తున్నట్లు అర్థం అవుతోంది.

కాగా, ట్రిపుల్ ఆర్ లో కొమురం భీమ్‌ గా తారక్.. అల్లూరి సీతారామరాజుగా చరణ్‌ కనిపించనున్నారు. హాలీవుడ్‌ భామ ఒలీవియా మోరిస్‌ - బాలీవుడ్‌ బ్యూటీ ఆలియా భట్‌ హీరోయిన్లుగా నటిస్తున్నారు. అజయ్‌ దేవ్‌గణ్‌ - సముద్రఖని - శ్రియా ఇతర కీలక పాత్రలు పోషించారు. కీరవాణి సంగీతం సమకూరుస్తుండగా.. సెంథిల్ కుమార్ సినిమాటోగ్రాఫర్ గా వ్యవహరిస్తున్నారు. డీవీవీ దానయ్య భారీ బడ్జెట్‌ తో ఈ పీరియాడికల్‌ డ్రామాను నిర్మిస్తున్నారు.

Renowned Hollywood Action Director, Nick Powell, joins the last leg of climax. Just when you thought the climax shoot couldn't get any