ఫ‌ర్హాన్ పెళ్లిలో క్రిష్ సంద‌డి అంతా ఇంతా కాదు!

ద‌ర్శ‌క‌నిర్మాత న‌టుడు ఫర్హాన్ అక్త‌ర్ రెండో వివాహం చేసుకున్నారు. ఆయ‌న గ‌త కొంత‌కాలంగా న‌టి గాయ‌ని శిభాని దండేక‌ర్ తో లివిన్ రిలేష‌న్ షిప్ లో ఉన్న సంగ‌తి తెలిసిందే.  నేడు ఖండాలాలోని జావేద్ అక్తర్- షబానా అజ్మీల ఫామ్ హౌస్ లో జరిగిన క్రిస్టియన్ వివాహ వేడుకలో చాలా మంది స్నేహితులు దంపతుల కుటుంబ సభ్యులు పాల్గొన్నారు.

ఈ వివాహ వేడుకకు బాలీవుడ్ ప్రముఖులు హృతిక్ రోషన్- రియా చక్రవర్తి - రాకేష్ ఓంప్రకాష్ మెహ్రాతో సహా చాలా మంది స్నేహితులు  దంపతుల కుటుంబ సభ్యులు హాజరయ్యారు. ఫర్హాన్ -షిబానీ వివాహం చేసుకోవాలని నిర్ణయించుకోవడానికి ముందు నాలుగు సంవత్సరాలుగా డేటింగ్ చేస్తున్నారు.

ఫర్హాన్ ఇంతకుముందు అధునా భబానీని వివాహం చేసుకున్నాడు, అతనికి ఇద్దరు కుమార్తెలు షాక్య - అకీరా ఉన్నారు. ఇప్పుడు శిభాని రెండో బార్య. తాజాగా పెళ్లి వేడుక‌ల నుంచి విడుద‌లైన ఫ‌ర్హాన్ - హృతిక్ డ్యాన్సింగుల వీడియో అంత‌ర్జాలంలో వైర‌ల్ గా మారింది. ఆ ఇద్ద‌రూ క‌లిసి ప‌లు చిత్రాల‌కు ప‌ని చేశారు. ఇంత‌కుముందు జింద‌గి న మిలేగి దొబారా లాంటి బ్లాక్ బ‌స్ట‌ర్ లో న‌టించారు. ఫ‌ర్హాన్ - హృతిక్ కాలేజ్ డేస్ నుంచి ఎంతో స‌న్నిహితులు స్నేహితులు..

కెరీర్ మ్యాట‌ర్ కి వ‌స్తే.. ఫ‌ర్హాన్  చివరిగా బాక్సింగ్ డ్రామా `తూఫాన్‌`లో కనిపించాడు. అతను ప్రస్తుతం `జీ లే జరా` చిత్రానికి దర్శకత్వం వహిస్తున్నాడు. ఇందులో ప్రియాంక చోప్రా జోనాస్- కత్రినా కైఫ్- అలియా భట్ నటిస్తున్నారు. షిబాని చివరిగా వెబ్-సిరీస్ ఫోర్ మోర్ షాట్స్ ప్లీజ్ రెండవ సీజన్ లో కనిపించింది.