హృతిక్కూ.. ఈ ట్వీటుకు అర్ధమేంది నాయనా?

ఇక ప్రక్కన షారూఖ్‌ ఖాన్ నటించిన ''రయీస్'' సినిమా మా ''కాబిల్''తో కావాలనే పోటీకి దిగి మమ్మల్ని ఇబ్బందిపెడుతోంది అంటూ ఇన్ డైరెక్టుగా మీడియాతో కామెంట్లు చేసిన కండల వీరుడు హృతిక్ రోషన్.. ఈరోజు రెండు సినిమాలూ రిలీజ్ అవుతున్న వేళ.. మనోడు ఒక ఇంట్రెస్టింగ్ ట్వీటేశాడు. దానిని పాజిటివ్ గానే తీసుకోవచ్చు గాని.. అందులో సెటైర్ కూడా లేకపోలేదు.

''డియర్ షారూఖ్.. నువ్వు నా గురువువి. ఎప్పటిలాగానే రయీస్ సినిమాతో నన్ను ఇన్ స్పయిర్ చేస్తావని ఆశిస్తున్నాను. అలాగే నేను నీ శిష్యుడిగా.. కాబిల్ సినిమాతో మిమ్మల్ని మరింత గర్వపడేలా చేస్తాను'' అంటూ ట్వీట్ చేశాడు హృతిక్ రోషన్. బహుశా ఇది చాలా డిప్లమాటిక్ అండ్ పాజిటివ్ ట్వీట్ అనే అనుకోవచ్చు. కాకపోతే రయీస్ సినిమా ప్రివ్యూ చూసిన వారిలో చాలామంది సినిమా స్లో అండ్ బోరింగ్ గా ఉందని చెప్పడం.. కాబిల్ సినిమాకు హిట్ టాక్ రావడం.. ఇవన్నీ చూస్తుంటే ఏదో షారూఖ్‌ పైన సెటైర్ కూడా వేశాడా అనిపించకమానదు.

కాకపోతే ఆల్రెడీ రివ్యూలు రేటింగులూ ఇచ్చేసిన బాలీవుడ్ స్టార్లు మాత్రం.. రయీస్ సినిమాకు మూడున్నర స్టార్లు.. కాబిల్ కు నాలుగు స్టార్లు అంటూ హడావుడి చేస్తున్నారు. చూద్దాం బాక్సాఫీస్ దగ్గర ఏం జరుగుతుందో.


Like Us on Facebook : https://www.facebook.com/Tupakidotcom/