విన్నర్ దెబ్బకు మందేయాలి మిష్టర్

ఎన్నో అంచనాలకు సాయిధరమ్ తేజ్ 'విన్నర్' ముందుకొచ్చింది. కాని ఆ అంచనాలన్నీ ప్రొడ్యూసర్లు క్రియేట్ చేసుకున్నవే కాని.. అసలు దర్శకుడు గోపిచంద్ మలినేని సినిమా అంటేనే రొటీన్ కథలు తప్పించి వేరేగా ఏముండవ్ అని ఆడియన్స్ ఫీలింగ్. ప్రేక్షకుల అంచనాలను నిజం చేస్తూ రొటీన్ కంటెంట్ తో వచ్చిన విన్నర్.. బాక్సాఫీస్ దగ్గర లూజర్ గానే వెనుదిరిగింది. ఆ దెబ్బకు ప్రొడ్యూసర్లకు ఠారెత్తిపోయిన మాట వాస్తవం.

రీసెంటుగా ఠాగూర్ మధు.. నల్లమలుపు బుజ్జి సంయుక్తంగా 'విన్నర్' సినిమాను రూపొందించారు. ఈ ప్రాజెక్టులో ఎంత లేదన్నా కూడా ఒక 10 కోట్ల వరకు నష్టం వాటిల్లిందట. ఆ దెబ్బకు ఈ నిర్మాతలు తమ తదుపరి సినిమాతో ఆ నష్టాన్ని పూడ్చుకోవచ్చని అనుకున్నారు. అయితే తదుపరి వారు చేస్తోంది వరుణ్‌ తేజ్ 'మిష్టర్'. శ్రీను వైట్ల డైరక్షన్లో వస్తున్న ఈ సినిమాపై ముందులో కాస్త అంచనాలు ఉన్నాయి కాని.. ఒక్కసారి రొటీన్ ఫార్మాట్లో ఉన్న ట్రైలర్ చూశాక మాత్రం అంచనాలన్నీ పడిపోయాయ్. ఆ దెబ్బతో ఇప్పుడు సినిమాను సేల్ చేయడం నిర్మాతలకు కష్టమైపోతోందట. దానితో వరుణ్‌ తేజ్ వారికి విన్నర్ ద్వారా తగిలిన దెబ్బలకు మందేస్తాడా వేయడా అనే సంశయం నెలకొంది.

ఏదేమైనా కూడా చుట్టూ ఉన్న సినిమాలన్నీ యావరేజ్ గా ఉంటే.. అప్పుడ మిష్టర్ వంటి ఫ్యామిలీ ఎంటర్టయినర్లు పుంజుకునే ఛాన్సుంటుంది. సో ఆ రకంగా శ్రీను వైట్ల అండ్ వరుణ్‌ తేజ్ కలసి విన్నర్ మేకర్లను ఆదుకుంటారేమో చూద్దాం.


Like Us on Facebook : https://www.facebook.com/Tupakidotcom/