ఔరా అనిపిస్తున్న మైండ్ బ్లాక్ పాట ఖర్చు!

'మహర్షి' సినిమా విజయం తర్వాత సూపర్ స్టార్ మహేష్ ప్రేక్షకుల ముందుకు 'సరిలేరు నీకెవ్వరు' అనే మాస్ ఎంటర్టైనర్ తో రాబోతున్న సంగతి తెలిసిందే.  వరస విజయాలతో మంచి జోష్ లో ఉన్న అనిల్ రావిపూడి ఈ సినిమాకు దర్శకుడు. ఇంట్రెస్టింగ్ టీజర్ తో 'సరిలేరు నీకెవ్వరు' టీమ్ ఒక్కసారిగా ప్రేక్షకుల్లో అంచనాలను పెంచేసింది. ఇదిలా ఉంటే ఈ సినిమాలో మైండ్ బ్లాక్ సాంగ్ చిత్రీకరణ గురించి ప్రేక్షకుల మైండ్ బ్లాంక్ అయ్యే అప్డేట్ ఒకటి బయటకు వచ్చింది.

'సరిలేరు నీకెవ్వరు' నుండి ఇప్పటివరకూ రిలీజ్ అయిన పాటలలో మాస్ బీట్ ఉన్న సాంగ్ 'మైండ్ బ్లాక్'. దేవీ శ్రీ ప్రసాద్ ఈ పాటతో మాస్ ప్రేక్షకులను మెప్పించాడు. ఈ పాటలో మహేష్ సూపర్ స్టెప్స్ వేస్తాడని.. అందుకోసం ప్రత్యేక శ్రద్ధ తీసుకున్నారనే కూడా టాక్ ఉంది. ఇక ఈ పాట చిత్రీకరణ కోసం భారీగా ఖర్చుపెట్టారని సమాచారం.  అన్నపూర్ణ 7 ఏకర్స్ స్టూడియోలో రూ. 5 కోట్లు ఖర్చు పెట్టి మరీ ఓ భారీ సెట్ నిర్మించాట. తొమ్మిది రోజుల పాటు షూట్ చేసిన ఈ పాటకు మొత్తం 9 కోట్లు ఖర్చు అయిందట.  ఈ పాట సినిమాకు హైలైట్ గా ఉంటుందని.. అందుకే ఖర్చు విషయంలో నిర్మాతలు రాజీపడలేదట.  ఒక పాట కోసం ఇంత ఖర్చు పెట్టడం చాలామందికి షాక్ ఇస్తోంది. ఎంతైనా సూపర్ స్టార్ సినిమా కాబట్టి ఆమాత్రం రేంజ్ ఉండాలని మనం సర్దుకుపోవచ్చు.

మహేష్ బాబుకు జోడీగా ఈ సినిమాలో రష్మిక మందన్న నటిస్తోంది.  విజయశాంతి.. ప్రకాష్ రాజ్.. రాజేంద్రప్రసాద్.. సంగీత.. హరితేజ.. బండ్ల గణేష్.. వెన్నెల కిషోర్ ఇతర కీలక పాత్రల్లో నటించారు. జనవరి 11 న 'సరిలేరు నీకెవ్వరు' ప్రేక్షకుల ముందుకు రానుంది.