సూపర్ స్టార్ మహేష్ బాబు ప్రస్తుతం పరశురామ్ దర్శకత్వంలో తన కెరీర్లో 27వ చిత్రాన్ని చేయనున్నాడు. 'సరిలేరు నీకెవ్వరూ' విజయంతో జోష్ మీదున్న మహేష్ వెంటనే నెక్స్ట్ సినిమా స్టార్ట్ చేయాలని ప్లాన్ వేసుకున్నారు. కానీ కరోనా లాక్ డౌన్ కారణంగా అది సాధ్యపడలేదు. దీంతో ఈ సినిమాకి సంబంధించి అధికారికంగా ఎలాంటి ప్రకటనా వెలువడలేదు. అయితే మహేష్ బాబు తండ్రి కృష్ణ బర్త్ డే సందర్భంగా ఈ నెల 31న ఈ సినిమా అఫీసియల్ గా ప్రారంభం అయ్యే అవకాశం ఉంది. గత కొన్నేళ్లుగా మహేష్ మే 31కి తన సినిమాకి సంభందించి ఏదొక అప్డేట్ ఇస్తూ వస్తున్నాడు. కానీ లాక్ డౌన్ మరోసారి పొడిగించడంతో ఈ సినిమా షూటింగ్ స్టార్ట్ అవుతుందో లేదో అనే అనుమానాలు వస్తున్నాయి. ఇదిలా ఉండగా #SSMB 27 గురించి ఎలాంటి సమాచారం లేనప్పటికీ ఈ చిత్రం ఏ జోనర్ లో ఉండబోతోందో అనే ఆసక్తి మహేష్ అభిమానులలో నెలకొని వుంది. ఈ నేపథ్యంలో డైరెక్టర్ పరశురామ్ మహేష్ బాబు కోసం ఒక ఫ్యామిలీ ఎంటర్టైనర్ స్టోరీ సిద్ధం చేశాడంటూ గత కొన్ని రోజులుగా వార్తలు వస్తున్నాయి.
అయితే తాజా సమాచారం ప్రకారం ఈ సినిమాలో చాలా రోజుల తర్వాత మహేష్ బాబు 'లవర్ బాయ్' లా కనిపించబోతున్నాడట. అంతేకాకుండా హీరో హీరోయిన్ల మధ్య మంచి రొమాంటిక్ ట్రాక్ కూడా ఉండబోతోందని సమాచారం. ఈ మధ్య ఒక ఇంటర్వ్యూలో పరశురామ్ 'ఈ సినిమాలో ఫ్యాన్స్ ని ఖుషీ చేసే మాస్ ఎలిమెంట్స్ మరియు హీరో ఎలివేషన్స్ సీన్స్ పుష్కలంగా ఉన్నాయని.. ఫ్యాన్స్ సూపర్ స్టార్ నుండి ఏమేమి కోరుకుంటారో అన్ని అంశాలు ఉండబోతున్నాయని' చెప్పుకొచ్చాడు. పరశురామ్ ఇప్పటి దాకా 'యువత' 'ఆంజనేయులు' 'సోలో' 'సారొచ్చారు' 'శ్రీరస్తు శుభమస్తు' గీత గోవిందం' లాంటి సినిమాలను రూపొందించాడు. మరి సూపర్ స్టార్ మహేష్ బాబుతో ఎలాంటి సినిమా తీయబోతున్నాడో అనే విషయం తెలియాలంటే మరికొన్ని రోజులు వెయిట్ చేయాల్సిందే. ఈ సినిమాని మైత్రీ మూవీ మేకర్స్ మరియు 14 రీల్స్, ఎంబీ ప్రొడక్షన్స్ సంస్థలు కలిసి నిర్మించే ఛాన్సెస్ ఉన్నాయని సమాచారం. ఈ సినిమా గురించి మే 31న ఏదైనా అప్డేట్ వస్తుందేమో అని మహేష్ బాబు అభిమానులు ఆశగా ఎదురు చూస్తున్నారు.
అయితే తాజా సమాచారం ప్రకారం ఈ సినిమాలో చాలా రోజుల తర్వాత మహేష్ బాబు 'లవర్ బాయ్' లా కనిపించబోతున్నాడట. అంతేకాకుండా హీరో హీరోయిన్ల మధ్య మంచి రొమాంటిక్ ట్రాక్ కూడా ఉండబోతోందని సమాచారం. ఈ మధ్య ఒక ఇంటర్వ్యూలో పరశురామ్ 'ఈ సినిమాలో ఫ్యాన్స్ ని ఖుషీ చేసే మాస్ ఎలిమెంట్స్ మరియు హీరో ఎలివేషన్స్ సీన్స్ పుష్కలంగా ఉన్నాయని.. ఫ్యాన్స్ సూపర్ స్టార్ నుండి ఏమేమి కోరుకుంటారో అన్ని అంశాలు ఉండబోతున్నాయని' చెప్పుకొచ్చాడు. పరశురామ్ ఇప్పటి దాకా 'యువత' 'ఆంజనేయులు' 'సోలో' 'సారొచ్చారు' 'శ్రీరస్తు శుభమస్తు' గీత గోవిందం' లాంటి సినిమాలను రూపొందించాడు. మరి సూపర్ స్టార్ మహేష్ బాబుతో ఎలాంటి సినిమా తీయబోతున్నాడో అనే విషయం తెలియాలంటే మరికొన్ని రోజులు వెయిట్ చేయాల్సిందే. ఈ సినిమాని మైత్రీ మూవీ మేకర్స్ మరియు 14 రీల్స్, ఎంబీ ప్రొడక్షన్స్ సంస్థలు కలిసి నిర్మించే ఛాన్సెస్ ఉన్నాయని సమాచారం. ఈ సినిమా గురించి మే 31న ఏదైనా అప్డేట్ వస్తుందేమో అని మహేష్ బాబు అభిమానులు ఆశగా ఎదురు చూస్తున్నారు.