చాలా భయపడ్డాడట!

సంక్రాంతి కి వెంకీ- వరుణ్‌ ల ‘ఎఫ్‌ 2’ మూవీ రావడం ఖాయం అయ్యింది. అనీల్‌ రావిపూడి దర్శకత్వంలో తెరకెక్కిన ఈ చిత్రం ను దిల్‌ రాజు నిర్మించిన విషయం తెల్సిందే. రాజా ది గ్రేట్‌ చిత్రం తరహాలోనే పూర్తిగా ఎంటర్‌ టైనర్‌ మూవీగా ఈ చిత్రాన్ని దర్శకుడు అనీల్‌ రావిపూడి తెరకెక్కించాడు. ఇప్పటికే వచ్చిన టీజర్‌ మరియు సాంగ్స్‌ సినిమాలో ఏ స్థాయి కామెడీ ఉంటుందో చెప్పకనే చెబుతున్నాయి. తప్పకుండా ఈ చిత్రం సంక్రాంతికి నవ్వులు పూయించనుందని అనిపిస్తోంది.

ఈ చిత్రంలో కామెడీ సీన్స్‌ చేసేందుకు చాలా కష్టపడ్డట్లుగా వరుణ్‌ తేజ్‌ అంటున్నాడు. వెంకటేష్‌ మరియు రాజేంద్ర ప్రసాద్‌ లతో కామెడీ సీన్స్‌ చేయాల్సి వచ్చిన సమయంలో భయపడ్డానని, కామెడీలో లెజెండ్స్‌ అయిన వారిద్దరితో కలిసి నటించడం, అది కూడా కామెడీ సీన్స్‌ చేయడం అంటే నాకు సాద్యమేనా అనుకున్నాను. కాని దర్శకుడు అనీల్‌ రావిపూడి నా పని చాలా సులువు చేశాడు. నా బాడీ లాంగ్వేజ్‌ కు తగ్గట్లుగా కామెడీ సీన్స్‌ ను రాశాడు. ఆయన వల్లే తెలంగాణ యాస లో మంచి డైలాగ్స్‌ చెప్పానని వరుణ్‌ చెప్పుకొచ్చాడు.

వరుణ్‌ హీరోగా నటించిన ‘అంతరిక్షం’ మూవీ రేపు ప్రేక్షకుల ముంందుకు రాబోతుంది. తొలి సౌత్‌ స్పేస్‌ మూవీ అవ్వడంతో అంచనాలు ఆకాశాన్ని తాకేలా ఉన్నాయి. అంచనాలకు తగ్గట్లుగా సంకల్ప్‌ రెడ్డి ఈ చిత్రాన్ని తెరకెక్కించి ఉంటాడని అంతా నమ్మకంగా చెబుతున్నారు. అంతరిక్షం విడుదలైన మూడు వారాలకే ఎఫ్‌ 2 చిత్రంతో వరుణ్‌ రాబోతున్నాడు. వరుసగా వరుణ్‌ కు సక్సెస్‌ లు దక్కుతాయనే నమ్మకం తో ఆయన సన్నిహితులు మరియు ఫ్యాన్స్‌ ఉన్నారు. ఈ రెండు సినిమాల కు కూడా వరుణ్‌ చాలా కష్టపడ్డట్లుగా ఆయా సినిమాల ప్రమోషన్స్‌ వీడియోలను చూస్తుంటే అనిపిస్తుంది. మరి వరుణ్‌ కష్టానికి ఫలితాలు ఎలా ఉంటాయో చూడాలి.